Ermiyaas 7:5 - NABUWWA KEE MALIKWA

⁵ YALLI iyyemii, «Edde tanin gitak nummah katteeniih, abtan taamak nummah raqteeniih, gitah titta lih taamita mara nummah tekkeeniih,

Ermiyaas 7:5 ပူးပေါင်းရင်းမြစ်များ

Yasaqya 1:19

Isinni fayxiik dibuk yi amrih gacteenik, baaxok tooboke daro kee caxâ-miruk aysinnaanim sinim akkele.

Yasaqya 16:3

Farmoh ruuben mari Yuudâ-marak iyyoonu waanamah, «Abnam neh warisa; abtaanam nek inxica. Carra dahan elle yani'kkel xamcin iraawo qidda caxah innah, nee cataay; ku silaalol silaalinnay nee inxic. Nanu dabbô-mara kinninok, num nee akak gee waa ikket nee uqur.

Ermiyaas 22:15

Hay tah abam faxa numow, tah abtam kaxxa malik koo abelem maay takkale? Ku abba meqe manoh sugeeh qadaalat kee maqaane le numuk ten. Tohuk gexxaamah abinnaanim gabal kaak bicak ten.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 26:13

Awayah tu gactek, edde tanin uma gitak uduuraay, YALLAY sin Dageltah yani siinik iyyem oobbeya. Toh abteenik, YALLI siinih loowe bala siinil moobisaay siinih racmatele.

Ermiyaas 7:3

«Too waqdi farmoh keenik intaamah, YALLAY Nabaamak Nabah, Israayil doore Dagelta kinnihiyya siinik iyyaamah, ‹Edde tanin gita caba. Abtan taamak raaqa. Tonnal, elle tanin baaxol tanoonay sin axceyyo.

Yacedkel 18:17

baatilit ase weeh, abuuduh kaak been lakqo gacsan way ossotina elle faxe weeh, yi xintol tanim abeeh, yi amri duudusek, kay abba abe dambih usuk marabaay waarele.

Yacedkel 18:5

Yalli kaadu qagseh iyyeemih, «Maqaane le numuy amaanat leeh gitah tanim abahiyya yen kaa tekkek,

Yacedkel 18:8

Abuuduh kaak been lakqo kaah gacsan waqdi ossotina edde mafaxa. Baatilit maasa. Yoome mara qadaalatal mekla.

Zakariyya 7:7

Aham dumî-dabaanal sugte nabuwwal YALLI ruube farmo. Too waktit Yarusalaamal ummat cayit teneeh; Yarusalaam kee tet dariifal ten mandarwal mango ummat dabaaqah ten saakuk ten. Too dabaanal ummat kaadu gabbi-qaxat raqta Yuudâ-baaxo kee ayrô-culmat raqta mango koomaami le baaxol inkih ten.

Makaabon 21:12

Too mari Yaabes magaalal bikirit yan baxuuwuk affara boolih baxuwwa geen. Too baxuw Siilo fan baahen. Siilo Kanqaan magaalak ten.

Makaabon 5:1

Too saaku Deboora kee Abinqám-Barak a saare abte: