Ermiyaas 7:4 - NABUWWA KEE MALIKWA

⁴ Makot sin beya marih yaabal maaminina. «Nanu dumaak waddiime mara kinninooh; YALLIH Qibaadah-Qari ah kaana; xaqul lino» 'yaanam kulli way maxcinaay; a qari sin wadelem makkalina› keenik inxic» yok iyye.

Ermiyaas 7:4 ပူးပေါင်းရင်းမြစ်များ

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Ermiyaas 29:31

«Baabelon fan seewah beyya heen marak intamaa, YALLI siinik iyyamaa, ‹Nacelaamal yooboke Samaqya dirab siinil yaceeh, anu kaa maruubinniyo'mmay, anu kaak axce weem, anu excem siinit celsiisa. Dirab numma siinit celsiiseeh; kay yab teemeneenih.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

Ermiyaas 7:14

Tonna leemiik duma Siilol baahem, ta saaku kaadu, ta yi migaq elle yan yi Qibaadah-Qariy sin kee sin kaxxa abbobtih eceeh, isin kaxxam amo elle meqitoonuhiyyal baaheyyom ixiga.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.