Ermiyaas 7:27 - NABUWWA KEE MALIKWA

²⁷ Sarra yok iyyeemih, «Atu taway anu kok axcem keenih waris. Takkay immay kok mankacisaanaay; uduura keenik intaamah kok mayaabban.

Ermiyaas 7:27 ပူးပေါင်းရင်းမြစ်များ

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Ermiyaas 1:7

Takkay immay YALLI yok iyyeemih, ‹Qunxa num kinniyo 'yaanam maxcinay, koo elle ruuba mara fan gexettooh; anu kok axcem keenih warsetto.

Ermiyaas 26:2

YALLIH qangara yol obteeh yok iyyeemih, «YALLIH Qibaadah-Qarih daaratal solla inxicaay Yuudâ-magaaloolik qibaadah tokke yamaate mara lih yab. Anu taway kok inxicca axceemik tu macabinay qangara qangarah keenih waris.

Zakariyya 7:13

Anu ken lih yaabe waqdi, yoo aabbe cineenimih sabbatah, ken dooqa moggoliyyo. Tah intam yoo YALLAY Nabaamak Nabahiyya.