Ermiyaas 7:15 - NABUWWA KEE MALIKWA

¹⁵ Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Ermiyaas 7:15 ပူးပေါင်းရင်းမြစ်များ

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 24:20

YALLI, Israayil kee Yuudah ummat yinqibeeh, ellecabol isi garik ken xiiriyeh. Xidkiya Baabelon malikiy Nabkadnessar deqsitahiyyah gubat xiinaanam cineh.

2 Aydaad 15:9

YALLAY kay Dagelta kinnihiyya kay xaqut yanim yublen waqdi, Efrayim kee Manasse kee Simqaanal suggu 'ye mari usuk malikih elle yan baaxo yemeeteeniih, dabqah tokkel gacen. Sarra, Aasa too mara kee Yuuda kee Benyaamah yooboke marah seeco abe.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 23:33

Ermiyaas iyyemii, YALLI yok iyyeemih, «Tahak wadir yi marih num takkuu, seeka kee nanu nabuwwa kinnino iyya marak numuk teeni, ‹YALLI farmoh maca kol ruube. Ta saaku kaadu quukah maca nel haam faxa?› kok iyyeenik, keenik intamaa, ‹YALLAL quuka tekkem siiniiy; tohuk gexxaamah YALLI sin bayisaamat yemeeteh yan› keenik inxic.

Ermiyaas 23:39

tonnal tahak wadir sin kee isin elle tanin magaalay duma sin kaxxa abbobtih eceeh sugehiyya ukkuqqa heeh baaxot qideyyo. Inni foocak sin kaleyyo.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Yacedkel 23:31

Isi maqanxah raat katatteeh; tonna-leemiik too teetih ecee digaalah-kobbayyay is akak tooqobek koo afqeyyo» iyye.

Yacedkel 33:25

Tonna'mmay keenik intaamah, ‹YALLAY Mulki lehiyya siinik iyyaamah, Isin qabal akak tif iyya cado takmen. Xeet kee cooxuk bicsen duyye taqbuden. Sahda qiddan. Hay, tonnal, ta baaxo sinim akkelem mannal siinit celtaa?

Hosiqa 1:4

YALLI kaak iyyeemih, «Ama yooboke awkak migaaqah Yidraqel inxic. Macaay intek, Israayil malik akak rade kay kaxxa abba Yaahu, Yidraqel deqsitta daqaral sahdat abe qidiyyah, Israayil malik edde digaalu waa wakti xayih. Yaahu nasabak dardaarinni gaba kalele.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 7:13

Bayeenih! Yi yab cineeniih, yoo cineenih. Ken catam faxeh immay finqitelon. Makot yoo yuqbudeeniih, tohih sabbatah bayelon.

Hosiqa 9:13

«Israayil, Suur innal qaxa le baaxo anih ableeh, takkay immay away ken xaylo masgaada beelon» iyye.

Hosiqa 9:3

Israayil mari a YALLIH rasul maraaqay, ahak sarra Masri fanah aduurelon. Assuuriyal caraamak tan maaqoh gacelon.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Yoonas 2:4

‹Kok exxeereh anih› exce. ‹Ku qibaadah qariy taahirik yani qagisak maay ableyyoo?› exce.