Ermiyaas 7:12 - NABUWWA KEE MALIKWA

¹² Siilo deqsita aracal, duma yi qibaadah bicseenih sugen aracal baahem gexay wagita. Too aracal tonnah tanim akah baahem, Israayil maray yi marah yanihiyya baahe dambih sabbata.

Ermiyaas 7:12 ပူးပေါင်းရင်းမြစ်များ

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 7:14

Tonna leemiik duma Siilol baahem, ta saaku kaadu, ta yi migaq elle yan yi Qibaadah-Qariy sin kee sin kaxxa abbobtih eceeh, isin kaxxam amo elle meqitoonuhiyyal baaheyyom ixiga.

Yoosuwa 18:1

Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Yoosuwa 18:10

Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.

Makaabon 18:31

Yalla elle yaqbuden siraq Siilo deqsita aracal udduruk suggu 'yem, a ceeloy duma Miika luk sugehiyya kaadu Daan magaalal elle sugte.

1 Samuwel 1:3

Kulli sanatal Elkaana, Raama akak iyyan baaxook, Siilo deqsitta magaala fan, YALLAY Nabaamak Nabahiyya yaqbude'gidiiy kay sadgat aba'gidih, amaatuk yen. Tokkel Qeli deqsita numih xayloy migooqah Cofni kee Fincas deqsittahiyya YALLIH seekah yenen.