Ermiyaas 6:29 - NABUWWA KEE MALIKWA

²⁹ Yi mari girat laqlaqan birtay diyaaye cineeh, wasak akak kate cinehiyyah bis lon.

Ermiyaas 6:29 ပူးပေါင်းရင်းမြစ်များ

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Ermiyaas 15:19

Too waqdi YALLI yol gacsemii, «Yol tuduurek, koo gacseyyooh, uxih inni naqasu koo abeyyo. Maqna sinni yaabat yaabe waytaah, sinaamah tuxxiq le farmo warissek, uxih yi nabiy akah sugteh koo gacseyyo. Ellecabol sinam elle tamaate numuy sinam fanah gexe waahiyya koo abeyyo.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 24:12

Abba heen taqabi foyya yakkeeh, tet wasak girat kinni-way makatinna. Tet kee teetil yan dicil girat qid!

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Makaabon 17:4

Takkay immay usuk beeh suge taaxige lakqo inal gacse. Kay ina woo lakqok namma boolih garsi beyya hayteeh, lakqok duyye bicsa naggaaral tecee. Too num woo lakqok yaqbuden duyyeeya bicse. Sarrak too duyyeeyay yaqbudeenihiyya Miika buxal heen.