Ermiyaas 6:25 - NABUWWA KEE MALIKWA

²⁵ Barri genxu manalliila; gitittel ibah genxam kaadu manalliila. Macaay inteenik, ni naqboytit silac leeh, kulli ikkel nee meysiisaanaah marot nee yabbixen» iyyen.

Ermiyaas 6:25 ပူးပေါင်းရင်းမြစ်များ

2 Aydaad 15:5

Too dabaanal kulli baaxol mango gibdaabina kee amaan-sinna teneeh; tonna-leemiik akak gexe ikke amaanah yaduure num masuginna.

Yasaqya 1:20

Takkay immay yi yab cinteenih a umaanet gexak raqteenik, carbi siinit akkeleeh edde bayetton» iyyah yan. «Aham siinik intam yoo YALLA» iyye.

Ermiyaas 14:18

‹Afah ewqek, qeebit rabe marih raysa able. Magaala gexek, qululuh raba mara able. Nabuwwa kinnino axcuk suge mara kee seeka kabuk kabul gexak isinni taama abaana'mmay, tu mayaaxigan› keenik inxic» yok iyye.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Ermiyaas 4:10

YALLI toh yoh warse waqdi, anu kaak excemii, «YALLAW, Mulki le Dageltaw, atu a mara aylahisseh tan. Ahaysa amaanah xiine loonu 'yaanam inte'mmay, taway elle able'nnal, gile katlal keenik tanih tan! Tonna leemiik keenil makteh» 'yaanam exce.

Ermiyaas 4:5

«Inkih yan rasul tan ummatta akah taabbe'nnah, Yuudâ-baaxol *baanta agura inxica. Xongolo fayya haay seeco aba; Yarusalaam kee Yuudâ-marak, ‹Titta fanah gacaay gaso maroh edde tan magaala fan kuda› inxica.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 49:29

Siraqwa kee illi keenik dannabah orbisa. Siraq addal lon reebuh haan sara keenik beya. Siraq addal elle haanamak tu macabinay dannabah keenik beya. Gaala kaadu keenik buuba. Too waqdi ‹Kulli ikkel cunxo net qidan!› 'yaanam axcelon.

Ermiyaas 49:5

Yoo YALLAY Dagelta kinnih, Nabaamak Nabahiyya siinik iyyaamah: Kulli kabuk umaane siinit ruubeyyo. Too waqdi kulli num siinik kudmah hayya heeleeh; baaxo cabetton. Kulli num siinik isi roocih megloh kudele. Sarrak luk sugten qaskar gaabossa heeh titta fanah baaha num mageytan.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Yacedkel 21:17

Anu kaadu gaba aagureyyooh, naqabuk xamacca axceyyo. Tahat yabtam yoo YALLA» iyye.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.