Ermiyaas 6:23 - NABUWWA KEE MALIKWA

²³ Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Ermiyaas 6:23 ပူးပေါင်းရင်းမြစ်များ

Yasaqya 10:32

A saaku naqboyti elle anfiddigelem, Noob magaala. Tokkeek Siyon-qaley Yarusalaam magaalal tanihiyyal meysissoh feera ascasselon.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 17:12

Ankacisey! Baadal tan ummatta, badal sabo raddaah bad haffita waqdi elle xongola'nnal, xongolta.

Yasaqya 19:4

Masri mara racmatta sinniih xuwaw sinni malikiy uma xintoh ken xiinisu waahiyyah gabal heeyyo. Aham intam yoo, YALLAY Dagelta kinnih, Nabaamak Nabahiyya» iyye.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 4:29

Qeebih faras amot yan mara kee gaysê-xaylo gabat le mari abah yan mamaatah xongolo yaabboonu waan waqdi, magaalal sugu waa mari kudele. Marak garab garbo elle tani'kke fan kudeleeh, garab booloh amot yan xeetih gubat culelon. Magaalooli inkih abur akkeleeh, num addal akak maraaqa.

Ermiyaas 5:16

Qaskar keenik kaxxa qande leeh, gabat lon gaysê-baxat racmatta maleh sahda qidan.

Ermiyaas 50:41

Yalli kaadu qagseh iyyemii, «Kilbat le kabuk doolat tamaate. Kaxxa doolat kee mango malikwa qeebih bicat tan. Too malikwa akak tamaatu waytam, baaxô maggaraqa.

Ermiyaas 50:42

Tikyah macaxu kee gaysê-baxa loonuuh; racmatta kee xuwaawah loonum malon. Faarisit gacca 'yeenih gexan way, haffo baaha badih xaw lon. Baabelon maraw, siinit qeebi abaana'gidih, roorul gacca 'yeenih yamaaten.

Ermiyaas 6:4

Too waqdi, «Yarusalaam tabbaxoonuh bical gaca! Wallaqenti yakke waqdi qeebi teetit abennok bical gaca» axcelon. Carri yakke waqdi, «Ahaysa bari yekkeh yaniih udurrunneh nanik, bar keenit abnay; inkih yan bar nee xiqelek. Magaalat koositih bicsen arooca baysenno» axcelon.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Yacedkel 21:31

Yi naqabu siinil oobisu waa waqdi, kaak yawqe girah huuri le inna abletton. Racmattak tifa sinniih, umaane abaanamak meysite sinni marih gabal sin heeyyo.