Ermiyaas 52:27 - NABUWWA KEE MALIKWA

²⁷ Ribla deqsita arac elle geytimam, Camat rasu. Tokke ken baahen saaku, malik ken qidsiiseh. Yuudâ mara seewah elle beenim tonnak ten.

Ermiyaas 52:27 ပူးပေါင်းရင်းမြစ်များ

2 Samuwel 8:9

Sarrak Hamat-rasul yen malikiy Tooqi deqsitahiyya, Dawud, Hadad-Qeder qaskarak inkih yeyseh 'yaanam yoobbe waqdi,

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

Yasaqya 24:3

Baaxo inki gexook bayele. Tet bagul yan marat kaxxa buuba akkele. Tahat yabtam YALLA. YALLI iyyem raq mali.

Yasaqya 27:10

Maroh gaso edde tan magaala hunah raaqele; dibu akkele. Num sinniih dibuk yan bacari akkeleeh, abuuruh raaqele. Laahi dabqih elle gacele; noktimah tokke haysitele. Qayso noktimal aloolele; noktimal coox ludwak yaloole.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Ermiyaas 13:19

Yuudâ-magaalooliy gabbi-qaxat raqtahiyya marot heen. Tokke fanah edde yamaaten gita mageyan. Yuudâ-mara yakkeenimiik seewah beenih› yok iyye» iyye.

Ermiyaas 20:4

«YALLI, ‹Isi nabsi kee isi kataysisih nabsit cunxo qida num koo abeyyo› 'yaanam ku giddinaamak kok iyyeh yan. ‹Kaadu ku kataysis keenik naqboytiitih yan marih gabat rabeloonuuh; toh isi intih abletto. Yuudâ-mari inkih Baabelon-malikih gabat radele. Too malik carbit yibbixe marak garab seewah isi baaxo beele. Wohuk raqtem seefit selele.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 39:10

Takkay immay takmem sinni masaakiina mabennay elle cabe. Qinab xala coox kee buqre elle aban baaxo keenih yecee.

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.

Ermiyaas 52:9

Kaa yibbixeenih. Sarrak Camat rasuk Ribla deqsita aracay Baabelon malik elle yenehiyya fanah kaa been. Tokkel malik digaala kaal hee.

Yacedkel 33:28

Inkih yan rasu num sinniih lac sinni abur abeyyo. Oson kaxxam edde akkaluk sugen qande keenik bayseyyo. Ken qaleela dibuh yan aracay sahdayti gitah gace waa abeyyo.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.