Ermiyaas 52:26 - NABUWWA KEE MALIKWA

²⁶ Nabudardan ta mara xabba heeh, Malik Nabkadnessaray Riblâ-magaalal yanihiyyah gabal ken hee.

Ermiyaas 52:26 ပူးပေါင်းရင်းမြစ်များ

2 Malikwa 23:33

Nako deqsita Masri-malik xabba kaa heeh seewah kaa bee saaku, kay reeda gaba kalte. Malik-Nako Ribla deqsitta magaalay Camat-rasul geytintahiyyal casbit kaa hee. Nako Yuudâ-marak sidiica alfi kee affara boolih kiilo qado lakqok beeh, soddom kee affara kiilo dahabak gabbarah ken mekelsiise.

2 Malikwa 25:20

Baabelon-malikiy Riblâ-magaalal yenehiyya fan bee.

2 Malikwa 25:8

Malik Nabkadnessar Baabeloonul edde reede taban kee sagalhaytô-sanatak konoyhaytoh alsak malcinhaytoh ayrol, Nabudardan deqsitak yen numuy Nabkadnessarat dacayrih tan qaskarak abbah raaqahiyya Yarusalaam magaala yemeete.

Ermiyaas 39:5

Baabelon-qaskar lakal keenik gexxeeh, sarrak malik Xidkiya, Yerikô-magaalah garil tan booxal yibbixen. Too waqdi xabba kaa heeniih Malik-Nabkadnessar fan kaa been. Malik-Nabkadnessar, Camat deqsitta baaxok migaaqah Ribla deqsitta magaalal suge. Malik Nabkadnessar kaa baaheenim yuble waqdi, «Kaa digaala» 'yaanam amrih keenil oobise.

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.