Ermiyaas 52:22 - NABUWWA KEE MALIKWA

²² Kulli qamidduk amot tan nacaasak bicsen duyye, fayyah koona cusul akkuk ten. Too waqdi too amot bilqah teetik heenim, tittat-yoxeen-silsilatih-taswiir kee rummaan-taswiirik ten. Akak bicseenim, nacaasak ten.

Ermiyaas 52:22 ပူးပေါင်းရင်းမြစ်များ

1 Malikwa 7:20

Woo mansaf elle heenim, qamidduk silsilat taswiir elle yani ikkek daga raqqa 'ta amoy maroh tanihiyyak ten. Rummaanak namma boolih xayloy namma rooruh tanihiyyah taswiir woo mansafih bagul yen.

1 Malikwa 7:42

rummaan-taswiiriy affara bool mangah yakkehiyya hee. Too taswiir, qamiddi amot haan sacni af le duyyeh bagul, kulli tiyak a exxaay woo exxak namma rooruh hayya heenih duuduseenih yenen.

2 Malikwa 25:17

Been namma qamiddi titta ceelak yen. Kulli tii fayyah taban kee bacra cusul akkuk yeneeh, amot akak heen namma mansaf sidiica cusul fayyah akkuk yen. Kulli qamidduk amot bilqah heenim, nacaasak bicsen tittat-yoxeen-silsilatih-taswiir kee rummaan-taswiir maroh heenih yenen.

2 Aydaad 3:15

Kalah kaadu namma qamiddu bicsiiseeh; kulli qamiddi soddom kee koona cusul xexxaarah akkuk yen. Too namma qamiddu bahha heeh, Yallih Qibaadah-Qarik foocal soolise. Too qamidwak amot tan duyye fayyah koona cusul akkuk ten.