Ermiyaas 51:62 - NABUWWA KEE MALIKWA

⁶² Ikriyya hayteh gaba kalla hayta waqdi, intamaa, ‹YALLAW, a arac bayeleeh, rooci leemik tu elle maraqta. Daayiman abuuruy num sinniih lac sinni akkele 'yaanam inta› inxic.

Ermiyaas 51:62 ပူးပေါင်းရင်းမြစ်များ

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 50:12

Takkay immay sin kaxxa magaalat umâ-yabulih tanim akkele. Inah siinik sugte magaala qaybit radele. Baabelon doolat, doolatak gacca 'ta doolat akkele. Baabelon num sinniih lac sinni baaxoy kaffa karacca 'te akkele.

Ermiyaas 50:13

Yi naqbi teetil oobeleeh; tohuk gexxaamah num dabaaqah teetil magaca. Abuuruh raaqele. Xaqu teetik gaceh gexu waa mari teetit tekkem yabalu waa waqdi, wariggiteleeh, ‹Woyyow! A rasut tekkem umaamak tanih tan!› axcelon.

Ermiyaas 50:3

Qeebi keenit abtu waytam, kilbat le kabuk yamaatu waa mara. Too mari baaxo abuur keenik abelon. Too baaxo tohuk wadir num sinniih lac sinni baaxoh raaqele. Sahda kee alluwwa teetik aarrele» 'yaanam YALLI iyye.

Ermiyaas 51:29

YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Ermiyaas 51:61

Kaak iyyemii, «Baabelon guffu hayta waqdi, tama warkatal tanim, anay fayya haak ikriy.

Yacedkel 35:9

Magaalooli siinik wadirik num elle gace waa abur abeyyo. Too saaku YALLA kinniyom yok aaxigetton.