Ermiyaas 51:56 - NABUWWA KEE MALIKWA

⁵⁶ Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Ermiyaas 51:56 ပူးပေါင်းရင်းမြစ်များ

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 59:18

Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Ermiyaas 49:35

Kaak iyyemii, «Qeelam-rasul cayla-leelah yan maray gaysê-xayloh qidimil yimixxigehiyya seleyyo.

Ermiyaas 50:10

Baabelon marak duyye dannabah orbiselon. Duyyek isinnih faxeenih gide dannabah keenik beelon. Tahat yabtam yoo YALLA» 'yaanam iyye.

Ermiyaas 50:36

Oson ginnili kee kalluwalleh lon marat qeebi aba! Too waqdi kaxxa duquurah sugeenim aaxigelon. Ken qaskarat qeebi aba! Ahak sarra kaxxa cunxo keenit radele.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Ermiyaas 51:48

Qaran kee baaxo kee baaxoh addal tanim inkih, kilbat le kabuuk bayisak yamaate num Baabeloonut qeebi abah yablen waqdi, kaxxa ruftoh ruffa axcelon.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Yacedkel 39:3

Tohuk lakal koo aatukeyyooh, gayse guri gabak kok akah radaah gaysê-baxi kaadu migdi gabak kok akah radda'nnah abeyyo.

Yacedkel 39:9

Qagseh YALLAY Mulki lehiyya iyyeemih, «Israayil magaaloolih addal tan ummat, carbi silaacay baaxot radehiyya onkossa heenih girâ-bocoh heelon. Tohumuu, qunxa gob kee kaxxa goobwaay, gayseesa kee gaysê-xaylo kee, qeebi edde aban coox kee macaxwa inkih, gaabossa heenih bocoh haysitelon. Too silaacay girâ-bocoh haysiteenihiyya malcina sanatah bocoh dudda ken heele.

Qaamus 2:15

Gaysê-baxi qidimil timixxige labha, ken fan qidan gaysê-baxak isinni elle raaqisan wale mageyan. Ardal assaaquk yen mari kinni way mayassaaqa. Faras amot yan mari rooci edde haan ikke mageyan.

Qobadya 1:15

«Yoo YALLI kulli numul abeemih mekelu waa ayro xayih. Edomuh yooboke maraw, isin sinaamak abba hayteenim siinit akkele. Sin abini siinil aduurele.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

1 Samuwel 2:4

Celeemah tan qaskarak gaysê-baxi yiddigilleh. Qamal maleela qande geyte.