Ermiyaas 51:53 - NABUWWA KEE MALIKWA

⁵³ Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Ermiyaas 51:53 ပူးပေါင်းရင်းမြစ်များ

Yasaqya 13:17

YALLI kaadu iyyeemih, «Baabelon yabbixeeni'gidih, Meediyah-maray lakqot tu wee waah dahab yeceenimih ayra oggole waahiyya keenit ruubeyyo.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Yasaqya 47:5

YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.

Yasaqya 47:7

Kulli waqdi maliká tikka 'teh waarettom tekkeleeh, cubbusak masuginnitooy, digaala kot akkelem kot maceelinna.

Ermiyaas 49:16

Sahda nek meysitta axcuk kaxxiinittaanah immay, sin kaxxiina sin aylahisseh. Dabaaqah elle tantoonum, xixxaqak kibuk tan boolok bagu. Dabaaqah qawiitak kaxxih fayya le aracal tantoonu'mmay, anu addah sin oobiseyyo. Tahat yabtam yoo YALLA› » keenik iyye.

Ermiyaas 50:21

YALLI Baabelon marih naqboytiitik iyyemii, «Maraatayim kee Fakod marat qeebi aba. Xakaake ken kalaay ken kee ken midir inkih bayisa. Sin amrissam yoo YALLA'mmay, anu siinik akah inxicca exce'nnah aba» keenik iyye.

Ermiyaas 50:25

Yi silac daanat elle yan qarik afa fakeeh, abeh an bagcarrah woo silac eyyeeqeh. Akah eyyeeqem, yoo YALLAY Mulki leeh Nabaamak Nabahiyya, a saaku Baabelon rasul abam faxam liyoomih sabbata.

Ermiyaas 50:45

Anu Baabelon marah malse mala yok oobbeya. Baabelon rasul baaham faxam siinih warisu waak, yok ankacisa. Xaylo keenik hirriigisak beyya heenih baaxot qidelon. Ken baaxo ken umaaneh sabbatah bayseyyo.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 51:48

Qaran kee baaxo kee baaxoh addal tanim inkih, kilbat le kabuuk bayisak yamaate num Baabeloonut qeebi abah yablen waqdi, kaxxa ruftoh ruffa axcelon.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Qaamus 9:2

Baaxo dagga heenih ardik guba gacaanamah, tokkek handifeh ken ayyaaqeyyo ikkal ken macaba. Qaran yawqeenimih ken gacseyyo.

Qaamus 9:4

Qaduwwi seewah ken beya way, tokkel seefit ken qidsiiseyyo. Tahak wadir ken mawaday, ken baatih ugteyyo› iyye» 'yaanam iyye.

Cabakkuk 2:9

Woyyow siinit takku waytaamow! Dirkih sahdak beyten duyyet gaddalitak sugten. Dabaaqat tu siinik takkeemik dacayri takke'gidih, kaxxa qarwa megdeb innal bicissen.