Ermiyaas 51:51 - NABUWWA KEE MALIKWA

⁵¹ ‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Ermiyaas 51:51 ပူးပေါင်းရင်းမြစ်များ

Yasaqya 13:1

Yalli Baabeloonuh giddinaamak Amóx-Yasaqyal ruube farmo ah teeti.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 25:26

kilbat le kabut raqta baaxok xer ikke kee xayi'kkel ten malikwak num macabinniyoy tiya tiyah ken efqe. A addunyah bagul enna 'ta doolatwa inkih ta kamrik efqe. Kulli marak ellecabot Baabelon malik efqe.

Ermiyaas 31:19

‹Darre kot cabneh sugne'mmay, away kol nuduure. Nee digaaltek wadir, abne umaanek gexxaamah nadaamah amo qunuunut nabbixeeh, wacarriyih rabneh nan. A saaku wacarriy nel takkem, qunxuk sugne saaku abne dambi› 'yaanam axcih ken aabbe» iyye.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Yacedkel 36:30

Coox-xaylo kee buqrek daro siinih aymaggeyyooh; tohuk gexxaamah, ummat addal qawratak sin qida qulul matablan.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Yacedkel 9:7

YALLI kaadu qagseh keenik iyyeemih, «Hayya hay gaba qida. Qibaadâ-Qari nadaasa aba. Daarat raysak kiba» keenik iyye. Oson too waqdi magaalah addal yan maral qidiyyah gaba heen.

Daaniyel 11:31

Usuk ruube qaskar, megdeb kee Yallih Qibaadah-Qari culak, nadaasa abele. Kulli ayro aban sadgat abe ken kaleleeh, sadgat elle abak yenen aracal Kaxxam Umâ-Yabulih-Tanim elle heele.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.