Ermiyaas 51:48 - NABUWWA KEE MALIKWA

⁴⁸ Qaran kee baaxo kee baaxoh addal tanim inkih, kilbat le kabuuk bayisak yamaate num Baabeloonut qeebi abah yablen waqdi, kaxxa ruftoh ruffa axcelon.

Ermiyaas 51:48 ပူးပေါင်းရင်းမြစ်များ

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Ermiyaas 50:3

Qeebi keenit abtu waytam, kilbat le kabuk yamaatu waa mara. Too mari baaxo abuur keenik abelon. Too baaxo tohuk wadir num sinniih lac sinni baaxoh raaqele. Sahda kee alluwwa teetik aarrele» 'yaanam YALLI iyye.

Ermiyaas 50:41

Yalli kaadu qagseh iyyemii, «Kilbat le kabuk doolat tamaate. Kaxxa doolat kee mango malikwa qeebih bicat tan. Too malikwa akak tamaatu waytam, baaxô maggaraqa.

Ermiyaas 50:9

Kilbat le kabul tan qande le doolatwa titta geysissa heeh, keenit ruubeyyo. Too mari ken abbixele. Too mari keenil hawiseloonuh, qeebil keenik ayselon. A mari admol yimixxige maraay gaysê-baxa qideenik wadir, irbak boohak mahoxsan.

Ermiyaas 51:56

Naqboyti Baabelon baysa'gidih yamaateh yan. Kay qaskar Baabelon-qaskar abbixeleeh; gaysê-baxa keenik aggilelon. YALLI, atu bahteemih koo digaala Dagelta. Cane keenik gacseleeh; ken digaalele.

Yacedkel 35:14

«Tonna-leemiik yoo YALLAY Mulki lehiyya siinik axceemih, isin Israayil maray yok sah numtin mara akke waahiyyat kaxxa baati tekke saaku, farcatah akah gacca 'ten innah, anu kaadu inkih yan baad akah ifricca 'ya baati siinit abeyyo. Seeqir qaleela kee inkih yan Edom rasu num sinniih lac sinni bacarih tan baaxo abeyyo. Anu YALLA kinniyom too saaku kulli num aaxigele» iyye.