Ermiyaas 51:41 - NABUWWA KEE MALIKWA

⁴¹ YALLI Baabelon marih qaadak iyyaamah: «Baabelon tintixibbixeh tan! Ummat inkih tet faylisak ten; kulli magaalak fula luk ten. Hay, away teetit tekkeh tanim doolatwal warigga tekkeh tan.

Ermiyaas 51:41 ပူးပေါင်းရင်းမြစ်များ

2 Aydaad 7:21

«Away tablen Qibaadah-Qari a xaqan le nabna leh yan qari'mmay, abur akkeleeh; wokkek gitah gaca mari a abur yabalu waa waqdi, qagabsiteloonuh, ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

Yasaqya 13:19

Baabelon magaala, baaxooxak inkih qaxah tayse magaala. Tet mari teetit kaxxam yakkale. Takkay immay anu Sodom kee Gomorrak akah abe innah, deerik afah tet koriseyyo.

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Ermiyaas 25:26

kilbat le kabut raqta baaxok xer ikke kee xayi'kkel ten malikwak num macabinniyoy tiya tiyah ken efqe. A addunyah bagul enna 'ta doolatwa inkih ta kamrik efqe. Kulli marak ellecabot Baabelon malik efqe.

Ermiyaas 49:25

Damasko duma kaxxa migaq luk ten magaalay sinam farcik elle sugtehiyya immay, a saaku teetik kudaanama.

Ermiyaas 50:23

Baabelon mari ummat edde yaggiggilen maatakah suge'mmay, a saaku isinnih yiddigillen. Baabelon abur tekkeh tani'mmay, sinam inkih teetit tekkem table way wariggitele.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Yacedkel 27:35

Badak afal guubuh yan mari wariggiteh. Koo tibbixe bala yoobbeenih wariggiten. Ken malikwah agantah cunxo keenit hee. Meysik gexxaamah fooci keenik dattoowe.

Daaniyel 2:38

Baaxô-bagul tan ummattaay, alluwwe kee haadah abbootan inkih koh yecee. Woo soonol tuble dahabak bicsen amo, koo.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»