Ermiyaas 51:36 - NABUWWA KEE MALIKWA

³⁶ Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Ermiyaas 51:36 ပူးပေါင်းရင်းမြစ်များ

Yasaqya 19:5

Niil weeqaytih lee daggooweleeh, weeqayti ayrook ayro daggoowak daggooweleeh, ellecabol kafele.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 44:27

Afak exce qangarat, bad kee daroori kafsa Dagelta kinniyo.

Ermiyaas 50:38

Lee luk sugte buyyitte inkih keenik kafeleeh, rob mageyta! Yalla cinna heenih umâ-yabulih-tan-duyye-qibaadat cissi cabe mara kinnoonumih sabbatah, tamah keenit takku waytaama.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Yacedkel 25:14

Israayil ummatay yi ummat kinnihiyya yi aftok Edom maral cane gacselon. Yi naqbi le'nna ken aybulleelon. Yi digaala elle obta maral le inna ablelon. Tahat yabtam yoo YALLAY Mulki lehiyya» iyye.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.