Ermiyaas 51:35 - NABUWWA KEE MALIKWA

³⁵ Tohuk gexxaamah nek faxxintamaa: duma net tikka 'tem Baabelon marak waynam nel tan» iyyen.

Ermiyaas 51:35 ပူးပေါင်းရင်းမြစ်များ

Ermiyaas 50:10

Baabelon marak duyye dannabah orbiselon. Duyyek isinnih faxeenih gide dannabah keenik beelon. Tahat yabtam yoo YALLA» 'yaanam iyye.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.

Makaabon 9:20

Toh akke waytek, Seekem kee Beet-Millol yan maraw, Abimalik tewqe giray habug inta sin cararissay. Siinik tewqe gira kaadu kaa cararissay» iyye.

Makaabon 9:24

Ah akah tekkemii: Abimalik kee Seekem maray kay toobokoh malcina-tabanih qidiyyal kaa agiirisehiyyak, Yalli wohih cane gacsa'gidi.