Ermiyaas 51:30 - NABUWWA KEE MALIKWA

³⁰ Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Ermiyaas 51:30 ပူးပေါင်းရင်းမြစ်များ

Yasaqya 19:16

Too ayro, Masri mari agbi innah gilic leela akkele. YALLAY Nabaamak Nabahiyya ken digaala'gidih gaba fakem yabloonu waan waqdi, cunxitelon.

Yasaqya 47:14

Caffay gira edde gexxah bis lon. Gira keenit gexeleeh, ken cararisele. Too giray ken carrissu waytahiyyak isinni cataanam maduudan. Keenit gexxu waytam, xagar elle laqisan gira hinnaay, waacak garit akak daffeyan gira hinna.

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 50:15

Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Ermiyaas 51:32

Dora fanah elle tabak sugen gititte ken naqboytit keenik tibbixeeh. Gade elle tan baaxot gira ruuben. Toh tuble qaskar kaxxa cunxoh cunxitte, 'yaanamih xaaguh kaah warselon.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.

Naacum 3:13

Assuuriyah qaskar meysih agabu akkele. Cuduud dacrissa qaskar matanaay; naqboytit akak elle waasinta innal matan. Koositih bicsiten aroocat gira gexele.