Ermiyaas 51:20 - NABUWWA KEE MALIKWA

²⁰ Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Ermiyaas 51:20 ပူးပေါင်းရင်းမြစ်များ

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 37:26

«Anu aham takku waytaamal dumaak maliseh sugem maabbito inna? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Yasaqya 8:9

Isin baadal tan ummatey, titta lih gaca'mmay baysetton. Baaxok xer ikkel yan maraw, ankacisa! Qeebih bical gaca'mmay baysettoonuuh, finqitetton.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 50:23

Baabelon mari ummat edde yaggiggilen maatakah suge'mmay, a saaku isinnih yiddigillen. Baabelon abur tekkeh tani'mmay, sinam inkih teetit tekkem table way wariggitele.

Yacedkel 21:11

Seef qidimih duugol yaniih, arbaqiyyak gaba kale. Kay duugok gaba kaleenih; ummat edde qida'gidih, qida numih gabal heelon.

Yacedkel 21:31

Yi naqabu siinil oobisu waa waqdi, kaak yawqe girah huuri le inna abletton. Racmattak tifa sinniih, umaane abaanamak meysite sinni marih gabal sin heeyyo.

Miika 4:12

Toh iyya mari YALLI abam faxam mayaaxiga. Daro caffak elle meexaana'gidih inki aracal akah gaaboysan gurral, YALLI ken digaala'gidih ken gaaboysem mayaaxigan.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Naacum 2:1

Nanawê-maraw, sin bayissu wayta qande temeeteh, marot sin tabbixe. Tonna'mmay ahaysa dacayrih yan mari magaalâ gasoosak gacaay; magaala akak culan gita dacrisay. Qaskarah inkih seecaay qeebih gulguluh gaca.

Zakariyya 10:4

Yuudâ marih addak baaxo xiinisaah, sahda miraacisa mara kee qaskar abbobti awqele. Oson rakiibo akkelon. Siraq edde daabisan birtaay, carbi edde aban macaxi innah qande le mara akkelon.