Ermiyaas 51:16 - NABUWWA KEE MALIKWA

¹⁶ Usuk amrisa waqdi, qaraanal tan lee kaxxa xongoloh xongolta. Baaxô maggaraqak qamburre bahtam Yalla. Rada roobih addat cankaxa qaraanak rubtam Yalla. Caacay daanah elle yabbixe aracak ruuba waqdi silisa.

Ermiyaas 51:16 ပူးပေါင်းရင်းမြစ်များ

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Yoonas 1:4

Too waqdi YALLI badal kaxxa caacay ruubeeh, baddi sabo doonik aggile raarte.

Yoonas 4:8

Ayro laqte waqdi, Yalli ayrô-mawqa le kabuk laqin caacay ruubeeh; Yoonas ayrô-dahan kaxxam kaa biyaakeemih sabbatah damaysiteh. Tohih sabbatah isi bagul, ahak rabam yoh aysuk ten, iyyeeh, «Aniimik rabam yoh tayse» 'yaanam afak kaak tewqe.