Ermiyaas 51:11 - NABUWWA KEE MALIKWA

¹¹ YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:11 ပူးပေါင်းရင်းမြစ်များ

1 Malikwa 11:14

YALLI, Hadad deqsita numuy Edom dardaarah mare luk yenehiyya Suleemanak naqboyta abe.

1 Malikwa 11:23

Yalli kaadu Elyadaq baxa Radon, Suleemanak naqboyta abe. Radon lih taamitak yen malikiy Hadad-Qeder deqsitahiyyak kudeh gexe. Hadad-Qeder Xooba deqsita rasih malikik ten.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

2 Aydaad 36:22

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruube. Kaadu, warkatal too farmo yuktubeh ruube. Toh abaamih fayxi kaat haytem, YALLA.

Qedra 1:1

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruubeeh; kaadu warkatal too farmo yuktubeh ruube. Toh abaamih fayxi kaat haytem YALLA.

Yasaqya 10:26

Yoo, YALLAY Nabaamak Nabahiyya duma Miidiyan-mara Qoreb-Xixxaq deqsita aracal oogoreh eneeh, Assuuriyah mara kaadu inni keetalat aagureyyo. Masri mara bad fanah caxxa escesse waqdi elle digaale innal, Assuuriyah mara digaaleyyo.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 21:5

Wacyih miiz missoysa able. Qibinah seenan fidisah able. Maaqo yakmeeniih, maqab aaqabih able. Too way, ‹Qaskar abbobtiy, uguta. Gob zeytit (saliidit) duuga› iyyan.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Yasaqya 45:5

YALLI dibuk yooy; yook sah yalli mayana. Atu yoo mataaxiga'mmay, qande kot heeyyo.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Ermiyaas 25:25

Too marak kalah kaadu, Dimri kee Qeelam kee Meediya akak iyyan baaxooxal yen sidooca malik kee,

Ermiyaas 46:3

«Masri-qaskarih-abbobti tirtirisah aabbe. ‹Gob bical haay; ugutay qeebih foora. Gob haysitaay bical gaca.

Ermiyaas 46:4

Faariisit cakkam haay koori elle haa. Rooruh gacaay amot birti kalabta haa. Macaxu arbaqa (samlisa), labhay! Macaxuk xagar waasa birtat aliilit haa› 'yaanam axcih ken aabbe.

Ermiyaas 50:25

Yi silac daanat elle yan qarik afa fakeeh, abeh an bagcarrah woo silac eyyeeqeh. Akah eyyeeqem, yoo YALLAY Mulki leeh Nabaamak Nabahiyya, a saaku Baabelon rasul abam faxam liyoomih sabbata.

Ermiyaas 50:3

Qeebi keenit abtu waytam, kilbat le kabuk yamaatu waa mara. Too mari baaxo abuur keenik abelon. Too baaxo tohuk wadir num sinniih lac sinni baaxoh raaqele. Sahda kee alluwwa teetik aarrele» 'yaanam YALLI iyye.

Ermiyaas 50:45

Anu Baabelon marah malse mala yok oobbeya. Baabelon rasul baaham faxam siinih warisu waak, yok ankacisa. Xaylo keenik hirriigisak beyya heenih baaxot qidelon. Ken baaxo ken umaaneh sabbatah bayseyyo.

Ermiyaas 50:9

Kilbat le kabul tan qande le doolatwa titta geysissa heeh, keenit ruubeyyo. Too mari ken abbixele. Too mari keenil hawiseloonuh, qeebil keenik ayselon. A mari admol yimixxige maraay gaysê-baxa qideenik wadir, irbak boohak mahoxsan.

Ermiyaas 51:12

«Magaalâ-gasoosa yabbixeeni'gidih, astah saro fayya hayisa» inta. Dacayrih gacu waa mara haa! Qaskarak, ‹Isin qeebi keenit elle abtoonu waytan ikket sasay suga› inta». YALLI Baabelon marak abeyyo iyyem abele.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Ermiyaas 51:35

Tohuk gexxaamah nek faxxintamaa: duma net tikka 'tem Baabelon marak waynam nel tan» iyyen.

Ermiyaas 51:36

Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Daaniyel 5:30

Malik isih, too barat edde, marin gabat rabe.

Ayyuqel 3:10

Buqre edde abtan biriitak seefwa bicisa. Cooxuk luudwa edde argaquk sugten gileelak, macaxu bicisa. Boola le mari kinni way qeebik raaqe waay.

Ayyuqel 3:9

Kaadu qagseh iyyemii, «Taham baadal tan ummatah warisa. ‹Qeebih bical gaca. Qeebi abta gaadileh seeca. Qaskar gaaboosaay gaaduh uguta.

Zakariyya 14:12

Yarusalaamat qeebi aba marat YALLI dalka ruubele. Rooci keenit anuk, arab kee cado keenik abicele. Namma inti elle tan aracal abiceleeh; arraaba afak addal keenik kafele.

Zakariyya 14:2

YALLI Yarusalaamat qeebi abaana'gidih doolatwa inkih gaabossu heeh, baahele. Yarusalaam carbit abbixelon. Qarwat sugga 'te duyye buubelon. Agabu cayliselon. Ummatak garab seewah beelon. Garab magaalal elle cabelon.