Ermiyaas 51:1 - NABUWWA KEE MALIKWA

¹ YALLI iyyeemih, «Baabelon-rasu kee Baabelon marat sinam baysa caacay ruubeyyo.

Ermiyaas 51:1 ပူးပေါင်းရင်းမြစ်များ

2 Malikwa 19:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

Yasaqya 13:13

Yoo YALLAY Nabaamak Nabahiyya bagcarritu waa saaku, qaran axaxiteleh, baaxo elle sugte aracak angayyele.

Yasaqya 14:14

Qamburrek daga ciggiileyyooh, kulliimik daga raaqa Dageltah innah gaceyyo› 'yaanam inte'mmay,

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Ermiyaas 23:19

YALLIH naqbi mermeritta-caacoh gideey; umeynit baysele.

Ermiyaas 49:36

Qeelam rasul affara kaalibik naqboytit caacoh innal ruubeyyo. Teetil yan mari baaxo cabeleeh, marin baaxooxat ken fixixiseyyo.

Ermiyaas 50:21

YALLI Baabelon marih naqboytiitik iyyemii, «Maraatayim kee Fakod marat qeebi aba. Xakaake ken kalaay ken kee ken midir inkih bayisa. Sin amrissam yoo YALLA'mmay, anu siinik akah inxicca exce'nnah aba» keenik iyye.

Ermiyaas 50:24

Baabelon maraw, qeebi edde abteenim yoo'mmay, a saaku anu siinih hee ofloh addat radden. Oflo siinih haytem yoo kinnim aaxige'kal, edde radden.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 50:33

YALLAY Nabaamak Nabahiyya iyyemii, «Israayil kee Yuudâ-mari kaxxa xukkoh addat yan. Ken yabbixe mari wagittoh keenit yaniih, rike ken gexi mahaan.

Ermiyaas 50:9

Kilbat le kabul tan qande le doolatwa titta geysissa heeh, keenit ruubeyyo. Too mari ken abbixele. Too mari keenil hawiseloonuh, qeebil keenik ayselon. A mari admol yimixxige maraay gaysê-baxa qideenik wadir, irbak boohak mahoxsan.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Ermiyaas 51:60

Ermiyaas xambabbaqe warkatay kutbe elle tani kaal yecee. Too warkat tuktubem, Ermiyaasak teneeh; elle yuktubem, Baabeloonut takku wayta umaanek ten.

Yacedkel 19:12

Yallak naqabuk gexxaamah, bagcarritak suge mari buxuxuk sibba tet heeniih; wonnah baaxot tet qideeni. Bacarih yan rasih kabuk amaatuk sugeh yan caacay xaylo teetik kafissa hee. Tet ludway maqar luk tene bututtukku teetik inte; kafteeh girâ-boco tekke.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.