Ermiyaas 50:8 - NABUWWA KEE MALIKWA

⁸ «Hay tahaysa Israayil maraw, Baabelon rasuk kuda. Teetik eweqa. Kulli marak naharat isin eweqa.

Ermiyaas 50:8 ပူးပေါင်းရင်းမြစ်များ

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 52:11

YALLIH Qibaadah-Qarih-duyye quukah beya maraw, wokkek eweqay gexa. Nadaasah tanim gabah maxaginaay, taahirik gacay gexa.

Ermiyaas 51:45

«Yi ummatey, too saaku Baabeloonuk eweqay, qaxak teenal kuda. Yi naqabuy cayla lehiyyak isinni rooci raaqisaay isillima.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.