Ermiyaas 50:7 - NABUWWA KEE MALIKWA

⁷ Ken gennaan mari maysattaka keenit abe. Ken qidda heenih wadir, ‹Ken qidneh immay ken qidaanam dambi nel matakka. Toh akah kinnim, ken Dageltay amo keenik wagitak sugehiyyal dambi lem baaheeniih, ken abbobti imaan elle luk sugte Dageltal imaan hoonu cineenih. Tohuk gexxaamah keenit tekkeemi› 'yaanam iyyan.

Ermiyaas 50:7 ပူးပေါင်းရင်းမြစ်များ

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Yasaqya 56:9

Kee alluwwey, garbok amaay akuma!

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Ermiyaas 14:8

Israayil ummat kibaal elle lem kooy; gadaama neh tabbixe saaku, nee waddam kook, YALLAW, qibnaytu macah nel takke? Safarah gexak yamaate qibnaytuy inki bar xiineh gexa macah nel takke?

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 2:3

Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 50:14

«Baabelon marat qeebi abu waa maraw, qeebih bical gaca. Maro keenit haa. Gaysê-baxak elli haytaanamak tu macabinay Baabelon mara edde qida. Baabelon umam yol bahtek, gaysê-baxa teetit haa. Yoo YALLAL umam bahte.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 50:33

YALLAY Nabaamak Nabahiyya iyyemii, «Israayil kee Yuudâ-mari kaxxa xukkoh addat yan. Ken yabbixe mari wagittoh keenit yaniih, rike ken gexi mahaan.

Yacedkel 34:5

Illi loyna luk masuginnaay, tohih sabbatah fixixih yan. Tonna-leemiik alluwwa qiddem kee tokmem yekke.

Yacedkel 35:12

Isin kaadu ken burutak, ‹Israayil qaleela niimiiy; abuuruh raqteeh, ni gabal gacte› axcuk, yabteenim siinik oobbem aaxigetton.

Daaniyel 9:16

Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.

Daaniyel 9:6

Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.

Zakariyya 11:5

Illi xaamita mari, isih faxa saaku, faxah yan ida akkiiy maruw akki usgudda heenih niyya akak aban. Takkay immay tahah ken digaaltam matan. Illi yaylamme mari, ‹Alcamdulillaah nanu gaddaleela kinnino› iyyaana ikkal, qiden lac ken lac kinnih immay akah maxuwaawan» yok iyye.