Ermiyaas 50:44 - NABUWWA KEE MALIKWA

⁴⁴ Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 50:44 ပူးပေါင်းရင်းမြစ်များ

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

Yasaqya 40:25

Kudduusuk yan Yalli iyyam le: «Yot missowtu duddam maay tan? Hay, yi gid takkem maay tani?»

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Yasaqya 43:10

YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Yasaqya 48:14

Takkeenimik gaabooway ankacisa. Yi qaxat gaca'gidih doore num, Baabelon-magaalat qeebi abeleeh, teetik faxe baati teetit abelem toobbeenih maay sugten? Isin yallah liton xeet kee cooxuk bicsen duyye siinih maay warisse?

Ermiyaas 12:5

Too waqdi Yalli yok iyyemii, «Ermiyaasow, sinam lih qalaltu tefferek, faaris lih qalaltu mannal duudetto? Xeet sinni booxal tinnikissek, Ordon rasul tan garboh addat gexxu mannal duudetto?

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 30:21

Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Ermiyaas 50:15

Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Zakariyya 11:3

Baaxoh abbobti rookah abta booge ankacisay! Itta luk sugen nabna a saaku weenimih boogisiyyat yanin. Ordon weeqaytih dariifal ten garbo booxah raqteemih, a saaku lubooka abta weeqa ankacisay! Lubooka woo garbot dabaaqah sugte.