Ermiyaas 50:40 - NABUWWA KEE MALIKWA

⁴⁰ Sodom kee Gomorra kee woo namma magaalah xaqul sugte gaandoodit dumah tikka 'tem Baabeloonut akkele. Tohuk wadir sahda Baabelon magaalal dabaaqah wadiriik magacta. Tahat yabtam yoo YALLA» iyye.

Ermiyaas 50:40 ပူးပေါင်းရင်းမြစ်များ

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Ermiyaas 49:18

Duma Sodom kee Gomorra kee ken dariifal sugte gaandoodit tekke umaane Edomut akkele. Sahdayti teetil wadiriik magaca. Tahat yabtam yoo YALLA» iyye.

Ermiyaas 51:26

Baaxo siinik abuuruh raqqa 'teh saabok salto cabba heele. Qari akak xisan xaahi kinni-way maraaqa. Tahat yabtam yoo YALLA» iyye.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.