Ermiyaas 50:34 - NABUWWA KEE MALIKWA

³⁴ Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Ermiyaas 50:34 ပူးပေါင်းရင်းမြစ်များ

2 Aydaad 6:39

tonnal, YALLAW, too dooqa keenik oggol. Qaraanay ku dabaaqah yanihiyyaak dooqa keenik oobbeyaay keenih racmataay, ku mari abba hee dambi keenih cab.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 47:4

Ni wadeeni, YALLAY Nabaamak Nabahiyyah yaniih, Israayil doore Dageltay *kudduusuk yanihiyyah yan.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Ermiyaas 30:20

Duma akah sugen marah ken gacseyyo; wadir yi qibaadal digga axcelon. Keenit xukkuta mara digaaleyyo.

Ermiyaas 31:11

YALLI, Israayil-mari away edde yan xixxibaanek ayyaaqele. Caylaleelâ-gabak ken ayyaaqele.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Ermiyaas 32:18

Qadad sinni marah amurruqe sinni kacanu yaybulle Dagelta kinnitooh; kaadu xaleena bahte qellatah xaylo digaala Dagelta kinnito. Qande kee cayla le Dagelta kinnitooh; ku migaq YALLAY Nabaamak Nabahiyya.

Ermiyaas 48:15

Mooyab kee Mooyab magaalooli finqitele. Qax-meqe furrayna keenik qeebit rabele. Tahat yabtam yoo Malikiy Nabaamak Naba YALLA kinnihiyya» 'yaanam iyye.

Ermiyaas 51:19

Yaqkuub doore Dagelti woo duyyeh bis le Dagelta hinna. Kullim gintem kaa. Isi mara ummatak tiysiisem kaa. Kay migaq YALLAY Nabaamak Nabahiyya.

Ermiyaas 51:36

Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Miika 7:9

Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.