Ermiyaas 50:31 - NABUWWA KEE MALIKWA

³¹ YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

Ermiyaas 50:31 ပူးပေါင်းရင်းမြစ်များ

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Ermiyaas 21:13

«Yarusalaam magaalak kaadu iyyeemih, ‹Yarusalaamey, atu intam: Fayya 'ta ikkel aniih, yoo xagtam matanaay, yi adda num macula 'yaanam inta'mmay qeebi anu kot abeyyo.

Ermiyaas 48:29

Mooyab marih kaxxiina kee fillat-ufuyhayiyyaay qubbuytoh xaagu linoh. Kaxxam isinnit yakkaleenimih xaagu keenik geyneh nan.

Ermiyaas 49:16

Sahda nek meysitta axcuk kaxxiinittaanah immay, sin kaxxiina sin aylahisseh. Dabaaqah elle tantoonum, xixxaqak kibuk tan boolok bagu. Dabaaqah qawiitak kaxxih fayya le aracal tantoonu'mmay, anu addah sin oobiseyyo. Tahat yabtam yoo YALLA› » keenik iyye.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Ermiyaas 50:32

Sin doolatay kaxxiinah moyya qaraanal haytahiyya andafoofelele. Tondofoofoleh annikissele. Tohuk wadir num sin muugusa. Sin magaaloolit gira ruubeyyo. Keenil sugga 'tem inkih too girah gadda akkele» iyye.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Yacedkel 29:3

Kaak intaamah, ‹YALLAY Mulki lehiyya, «Weeqayti gudel yan kaxxa xabaado ceela numow, anu naqboyta kok ekkeh an» kok iyyah yan› kaak inxic. «Niil weeqayti yiimiiy; anu innih kaa bicse» 'yaanam inta.

Yacedkel 38:3

Kaak intaamah: YALLAY Mulki lehiyya, ‹Naqboyta kok ekkeh an› kok iyyah yan.

Yacedkel 39:1

Yalli kaadu yok iyyeemih, «Bani-adantow, Goog abina ilaaqaay, kaat takku waytaamat yab. Kaak intaamah, ‹YALLAY Mulki lehiyya kok iyyaamah, Mesek kee Tuubal deqsitta namma kedoh abbah yan Googow, anu naqboyta kok ekkeh an.

Yacedkel 5:8

Tonna leemiik yoo YALLAY Mulki lehiyya kok axceemih: tahak wadir qaduwwi kok ekkeh an. Inkih tan ummat elle table'kkel cokmi kol abeyyo.

Naacum 2:13

YALLAY Nabaamak Nabahiyya iyyeemih, «Anu siinik naqboyta ekkeh. Isin edde tanin faras-gaariira carariseyyo. Sin qaskaray qunxa lubooka ceelak tanihiyya carbit rabele. Sahdak beyya hayteenim siinik beeyyo. Ahaysa meysiisak duyye beytaana'gidih, farmoytitte baadal tan doolatwa fan marubtan» iyye.

Naacum 3:5

YALLAY Nabaamak Nabahiyya iyyeemih, «Nanawê-magaalay, kok naqboyta ekkeh an. Doolatwa qawrat kok akah table innah qasunuk koo cabeyyo.