Ermiyaas 50:24 - NABUWWA KEE MALIKWA

²⁴ Baabelon maraw, qeebi edde abteenim yoo'mmay, a saaku anu siinih hee ofloh addat radden. Oflo siinih haytem yoo kinnim aaxige'kal, edde radden.

Ermiyaas 50:24 ပူးပေါင်းရင်းမြစ်များ

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 45:9

Gabak bicsen buuti, kaa bicse num giddiyam duudaa? «Yoo bicse num yaaxigem mali» iyyam bictaa? Toh bictam hinna. Hay toh bictam akke waytek, is gine Dagelta lih daqwat aba numow, kum tekkem ixig.

Ermiyaas 48:43

Mooyab-maraw, ahak sarra cunxo siinit qidda bala siinit ruubeyyo. Edde raddoonu waytan boodo kee oflo ahak sarra siinih heeyyo.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 51:8

Baabelon-rasi cube'kal uma niksoh annikisseleeh, akak bayele. Sahda teetih weqtaama. Edde tan madaluk qaffottam takkehik, dayla teetih gorrisa.