Ermiyaas 50:20 - NABUWWA KEE MALIKWA

²⁰ Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Ermiyaas 50:20 ပူးပေါင်းရင်းမြစ်များ

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 10:21

Israayil-marak baatik saaboh raaqe mari, isi Dageltay qande lehiyyal aduurele.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Ermiyaas 31:34

Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Ermiyaas 33:8

Yol baahen dambik qafu keenih abeyyo. Edde sugen dambi kee abak sugen yabti-cinak kaadu qafu keenih axceyyo.

Ermiyaas 44:14

Yuudâ-maray Masri fan gexehiyyak num raaqe'kal inkih ambaxelon. Yuudâ-rasuy madaarah akah maxhaxak sugeenihiyya ahaysa num keenik mayaduura. Dago maray meysih kudek sah, isi baaxo num siinik mayaduura› 'yaanam keenik inxic» iyye.

Ermiyaas 50:4

YALLI qagseh iyyemii, «Taham takku wayta saaku, Israayil kee Yuudah ummatta weeqah ximo caxak, yooy ken Dagelta kinnihiyyah goranah amaatelon.

Yacedkel 18:22

Dumah abeh suge dambi kaah cabeyyo. Gitak tanim abeemih sabbatah waarele.

Miika 7:19

Ahak sarra isi racmattah neh racmatetto. Nanu abne dambit taqiteh badak iqiyal qidetto.

Xafanya 3:12

Tokkel too saaku niya akak baxaqteh, kaxxiina xagarat aalle waa maray faxaamah yoo kallacahiyya raaqiseyyo.

Zakariyya 3:9

Yoosuwak foocal inki xaay malcina fooca lehiyya heeyyo. Too xaak bagul kutbe heeyyo. A baaxol tikka 'ya dambik, ummat inki ayroh addat kaqliseyyo.