Ermiyaas 50:2 - NABUWWA KEE MALIKWA

² «Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Ermiyaas 50:2 ပူးပေါင်းရင်းမြစ်များ

Yasaqya 12:4

Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Yasaqya 21:9

Away ken ableh anih: faras amot yan maray kulli num nammayhaytô faras gabat lehiyya yamaateh yan. Too waqdi, ‹Baabelon baateh! Oson yalla axcuk aqbuduk sugen duyye baateeh, riira tekkeeh baaxô-bagul qangalaylut tan› 'yaanam iyyen» iyye.

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Yasaqya 39:1

Too dabaanal Baabelon-malikiy migaaqah Maroodak-Baldan deqsitahiyya Ciskiyyaahu lakmisak sugeeh, sarra qaffooteh 'yaanam yoobbe. Too waqdi yuktube warkat kee mattaco kaah ruube.

Yasaqya 46:1

Beel kee Naboy, Baabelon mari yalla axcuk yaqbudehiyya bokokteeh, raddeh tan. Ken ceelo a saaku quukah merrayti illel beyan. Merraytuy isih yeclehiyyal quuka yekken.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 48:6

Anu edde yabba exceeh, akkele inxicca excem inkih tekkeh. Anu akkele akak excem, akkele'kkal raaqe waytam taamineenimi. Away kaadu qusbaamay duma akke waytehiyya siinih warsa. Daanisaamay isin aaxige waytaana siinih warsa.

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 4:6

‹Asta fayya haa! Siyon qale fanah sissikuk kuda. Wadir mafkuninay isillima. Muudurrutinay kilbat le kabuk baatiy ummat seltu waytahiyya ruubam faxak xayuk isillima› keenik inxica.

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Ermiyaas 51:12

«Magaalâ-gasoosa yabbixeeni'gidih, astah saro fayya hayisa» inta. Dacayrih gacu waa mara haa! Qaskarak, ‹Isin qeebi keenit elle abtoonu waytan ikket sasay suga› inta». YALLI Baabelon marak abeyyo iyyem abele.

Ermiyaas 51:27

«Qaskarey, qeebi qimbissaanamih qalaamatih saro gubaak fayya haa! Baaxo inkih akah taabbe'nnah, *baanta ugura. Baabelon marih qeebih ummat bical haa! Araarat kee Minni kee Askanad doolatak, qeebi qimbisa inxica. Gaadu miraacisu waa gaadi abba haysita. Qeebih faarisik mangah qanayti gid takkem ruuba.

Ermiyaas 51:31

Baabeloonut takku wayta baati malikih warsaana'gidih, mariiy kabuk kaa fan arduk amaatele. Baabelon inkitanuuk tintixibbixem kaah warselon.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Ermiyaas 51:47

Macaay inteenik, Baabelon mari yaqbude duyyey gabak bicseenihiyya edde digaalu waa wakti amaatele. Inkih yan Baabelon rasul tan ummattat umâ-yabulih tanim akkele. Tet addal yan maray qideenihiyyak raysi tet gititteh addal raaqele.

Ermiyaas 51:52

Takkay immay too tiyak anu siinik axcemii, Baabelon mari yalla akak iyya duyyey yaqbudehiyyah digaaleyyo. Too wakti kaadu xayyooweh yan. Keenik biyak edde yekke mari aba araadaqisiyyi, inkih tan baaxo duudele.

Ermiyaas 51:8

Baabelon-rasi cube'kal uma niksoh annikisseleeh, akak bayele. Sahda teetih weqtaama. Edde tan madaluk qaffottam takkehik, dayla teetih gorrisa.

Ermiyaas 52:31

Awil-Maroodak, Baabelon malik edde yekke sanatat, Malik Yahoyaasinih xuwaawak sugeeh, casbiy edde sugehiyyak kaa yeyyeeqeh. Taham edde tekkem, Yahoyaasin seewah edde been soddom kee malcinhaytô-sanatak taban kee nammayhaytoh alsak labaatanna kee konoyhaytoh ayrok ten.

Ermiyaas 6:18

Wohoysa baadal tan ummatey, ankacisa! Yi marat takku waytam cubbusay raaqa!

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Daaniyel 3:14

too waqdi malik keenik iyyeemih, «Sadrak kee Meesak kee Qabednagok, isin nummah yi yallitte aqbude cinteeniih, anu soolise dahabak bicsen ceeloh gommoh raddoonu cinteenii?

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.