Ermiyaas 50:18 - NABUWWA KEE MALIKWA

¹⁸ Tohuk gexxaamah, yoo YALLAY Nabaamak Nabah, Israayil doore Dagelta kinnihiyya Malik Nabkadnessar digaaleyyooh, kay baaxoh mara kaadu digaaleyyo. Duma Assuuriyah malikil bahha heem kaa kee kay baaxol baaheyyo.

Ermiyaas 50:18 ပူးပေါင်းရင်းမြစ်များ

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Naacum 3:18

Assuuriyah malikow, ku doolatih maray ku ummatih duwat yanihiyya rabeh gaba kaleh. Ku kaxxa maray muddaqiyih sugehiyya akak ugute waan xiinih xiinen. Tohih sabbatah ku mari qaleelah amol fixixih gace. Tohuk wadir ken baaxo fanah ken gacissam matan.

Naacum 3:7

Hagga axcuk, ‹Nanawê-magaala abuuruh raqteh matanaa!› axceloonuh, ‹Teetih xuwaawa mari mayana› axcelon. Teetih qaada mara magenniyo» iyye.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.