Ermiyaas 50:17 - NABUWWA KEE MALIKWA

¹⁷ YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 50:17 ပူးပေါင်းရင်းမြစ်များ

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 24:1

Yahoyaakim malikih suge saaku, Baabelon-malikih suge Nabkadnessar Yuudâ-rasu warare. Tohuk wadir Yahoyaakim Nabkadnessar-milkih gace. Sidooca sanatak lakal, kay milkih gacaanam cineh.

2 Malikwa 24:10

Usuk malikih yen dabaanal, Baabelon-qaskar Yarusalaam fan gaaduh gexxeeh magaalat maro hayte. Too gaadu absissem, Baabelon-malikik teneeh; gabat akak absiisem, kay qaskar abbobtih yen marak ten.

2 Malikwa 25:1

Toh yuble waqdi, Baabelon-malik qaskarak tu cabe'kal beyya heeh, Xidkiya malik edde yekke sagalhaytô-sanatak tabanhaytoh alsak tabanhaytoh ayrot, Yarusalaam wararen. Magaalak irol megdebih edde gacan arac haysitta heeniih, sarrak magaalal yan mari akah awqe waa innah, dariifat maro teetik xisen.

2 Aydaad 28:20

Tiglat-Fileeser deqsita Assuuriyah malikiy usuk farmo akah ruubehiyya yemeeteh immay, usuk kaak faxe cato hinnay, gibdaabina kaal baahe.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 15:9

Dibon magaalal yan dori qabalat qassoowe. Anu Mooyabah yooboke marah wohuk gacta umaane daanal abbixe. Tohumu, lubaakay raaqa mara selu waahiyya kinni.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 50:6

A saaku yi mari, duwah edde yan num gitak makot bee illiy maatah yani yekken. Illiy qaleela kee koomaamih amol loyna weeh meekitahiyya ceelan. Isi dabaaqak cerrite illi yekken.

Ermiyaas 51:38

Baabelon-mari lubak gurral garadaah; lubak xayloh anay loonuh yanin.

Ermiyaas 52:1

Xidkiya malik yekke saaku, qumrik labaatanna kee inki sanatat yen. Yarusalaamal taban kee inki sanat malikih suge. Kay ina migaaqah Camutal deqsitak ten. Teetik abba, Libna deqsitta magaalal yooboke Ermiyaas deqsita numuk ten.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Daaniyel 6:24

Tohuk lakal malik, «Baatil kaak malkite maraay ken agabuuy ken xaylo inkih, woo boodoy lubooka edde tanihiyyah addat qida» iyye. Woo boodot ken qiden waqdi, lubooka boodok iqiya gufe'kal kaqqa inteh xagaral keenik raddeeh, lafof keenik butuk butuk hayte.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.