Ermiyaas 50:12 - NABUWWA KEE MALIKWA

¹² Takkay immay sin kaxxa magaalat umâ-yabulih tanim akkele. Inah siinik sugte magaala qaybit radele. Baabelon doolat, doolatak gacca 'ta doolat akkele. Baabelon num sinniih lac sinni baaxoy kaffa karacca 'te akkele.

Ermiyaas 50:12 ပူးပေါင်းရင်းမြစ်များ

Yasaqya 14:22

YALLAY Nabaamak Nabahiyya iyyeemih, «Baabelon magaalat qeebi abeh abur tet abba heeyyo. Migaq teetik bayseyyo. Addal teetik num maraaqaay, rooci-elli-haytaamak tu macaba. Taham intam yoo YALLA.

Yasaqya 23:13

Baabelon mari edde yan caalat wagitay. Too mari ta saaku hebeltô-loowot mayan. Assuuriyah mari ta baaxo dubaali dabaq abe. Baabelon yabbixeeni'gidih fayya le aroocay tet akak yabbixoonu waanahiyya bicsen. Baabelon mari koositih bicsen arooca foyya keenik aben. Inkih tan magaala abuuruh cabba heen.

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 15:9

Xaylok malciin le inak malciin rabeleeh, is wariggah qawlele. Laqo bari bis teetil akkele. Sinam burutta barray kulli way niya akak baxaqta akkele. Rabak raaqu waa mara keenik carbi gadda abeyyo. Tahat yabtam yoo YALLA kinni» iyye.

Ermiyaas 22:6

«Yi garil, malik-qari Lubnaan qaleela kee Gilqad rasi qaxah leh gide le. Takkay immay too qax-maqaane le qari bayissa heeh, abur kaa abeyyoomuh inni migaaqal xiibita.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 25:26

kilbat le kabut raqta baaxok xer ikke kee xayi'kkel ten malikwak num macabinniyoy tiya tiyah ken efqe. A addunyah bagul enna 'ta doolatwa inkih ta kamrik efqe. Kulli marak ellecabot Baabelon malik efqe.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Ermiyaas 51:47

Macaay inteenik, Baabelon mari yaqbude duyyey gabak bicseenihiyya edde digaalu waa wakti amaatele. Inkih yan Baabelon rasul tan ummattat umâ-yabulih tanim akkele. Tet addal yan maray qideenihiyyak raysi tet gititteh addal raaqele.