Ermiyaas 50:1 - NABUWWA KEE MALIKWA

¹ YALLI Baabelon kee Baabelon marih giddinaamak, nabi Ermiyaasal ruubem tama farmo.

Ermiyaas 50:1 ပူးပေါင်းရင်းမြစ်များ

2 Samuwel 23:2

YALLIH *Roocaaniyya yot taniih; edde yaabam teetik gee yaaba. Yoo yaabissam, YALLI yoh yecee rooci.

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Yasaqya 23:13

Baabelon mari edde yan caalat wagitay. Too mari ta saaku hebeltô-loowot mayan. Assuuriyah mari ta baaxo dubaali dabaq abe. Baabelon yabbixeeni'gidih fayya le aroocay tet akak yabbixoonu waanahiyya bicsen. Baabelon mari koositih bicsen arooca foyya keenik aben. Inkih tan magaala abuuruh cabba heen.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Daaniyel 1:1

Yahoyaakim Yuudâ-malik yekkeemih sidochaytô-sanat yekke saaku, Malik Nabkadnessar deqsita numuy Baabelon malikih yenehiyya, Yarusalaam magaalat qeebi abeeh marot tet hee.