Ermiyaas 5:9 - NABUWWA KEE MALIKWA

⁹ Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 5:9 ပူးပေါင်းရင်းမြစ်များ

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 57:6

Too goloolak saytun xeet beyya haytaanaah yalla axcuk taqbuden. Qinabak bicissen kamri kee daro, woo xeetih sadgatah bahtan. Anu, abtan umaane abalih, siinih xuwaawam meqem kinnim maay takkalen?

Ermiyaas 23:2

Yoo YALLAY Israayil doore Dagelta kinnihiyya inni mara dacrisa akak exce marak axceemih, ‹Yi mara madacrisinniton. Fixixih ken rubteeniih baaxok ken baadisseenih. Ta saaku ta umaaney abteenihiyyah sin digaaleyyo› siinik axce.

Ermiyaas 32:31

Yarusalaam mari a magaala xissimma 'teemiiy akke fan, naqabu kee bagcarra yot qidak sugen. Tohih sabbatah a magaala baysaamat emeete.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Ermiyaas 5:29

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Ermiyaas 6:6

YALLAY Nabaamak Nabahiyya a malikwa amriseeh; Malikwak, «Coox irgiqay Yarusalaam-magaalat maroh tan gaso taggileeni'gidih, too gasot xakabuh coox kee xeet tittin bagul haa. A magaalah addal sinaamat mango xukko tekkeeh, tohuk gexxaamah tet digaaleyyo» iyye.

Ermiyaas 9:8

Arraaba keenik summi le gaysê-baxih gide. Kulli waqdi diraabat yaaban. Kulli num keenik meqe qangara afak sinam lih yaabaah darrek edde radoonu waan oflo keenih bicsa.

Ermiyaas 9:9

Hay ta mara digaalam yol matana'nna? Tannah yan marak ta umaane abalih digaale ikkal, ken cabam mameqe. Tahat yabtam yoo YALLA» 'yaanam keenik iyye.

Yacedkel 7:9

Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Naacum 1:2

YALLI isit massoowan faxa mara maqansiisa. Kaa niqbaah, kay yab cina maral cane gacsah. Kay naqabuk tamaate bala keenil obta.