Ermiyaas 5:7 - NABUWWA KEE MALIKWA

⁷ YALLI siinik iyyeemihii, «Isin yi mara kinniton immay yoo cabba hayteenih gabak bicsen duyyek Yalla inteeniih taqbudeenik, tohoysa qafu mannal siinih axce? Maaqok nagay sin adoobiseeh, rike siinit macabinniyo'mmay caraamuk aade cinteeniih, xiiqareh-xiinâ-buxaaxi dabaaqah haysitten.

Ermiyaas 5:7 ပူးပေါင်းရင်းမြစ်များ

2 Aydaad 13:9

YALLIH seekay Haaruunuk raddehiyya baaxok xiiriyteenih Leewih yooboke mara kaadu baaxok teyyeeqeenih, ken aftok Yalla maleela akah abta innah, isinnih dooritten maray seekâ-samad alle waahiyya yallah liton duyyeeya elle taqbuden aracal seekah haysitten. Dahaltu kee malcina maruw baahinnaan numuk, ‹Isin seeka tekkeenih› intan.

Ermiyaas 12:16

Oson yi mari elle yaamine diinil baguuk yeemeneeniih, duma yi marak Baqal deqsitta duyyey yaqbudeenihiyyah migaaqal xiibita axcuk barisak akah sugen innah, a saaku toh cabba heenih, tohih aftok yi migaaqal xiibiteenik, yi mara ken abeyyooh; barkat keenit heeyyo.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 16:20

Sahdayti isi Dagelta isi gabak bicsam, bictam hinna'mmay, ni abbobti toh abak sugte. Gabak bicsen duyye Yalla matakka› 'yaanam axcelon» exce.

Ermiyaas 2:11

Too mari dumaak yalla 'yeenih aqbuduk sugen duyyey isinni gabak bicseenihiyyal uxih yaamineeniih, akak makorsitinnon. Isin yi maraw, siinih tu gactek yooy naba Dagelta kinnihiyya cabba hayteenih tu xiqe sinniimih qibaadat gacten.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 23:10

Baaxo inkih YALLAL luk sugen imaan cabe marak temegge. Abaarô-sabbatah baaxo kafteh; rookat tan. Lacti qayso luk teneeh, lac elle alooluk yen baaxo kafteh. YALLAL luk sugen imaan keenik yeerreh; umam aban. Lon abbootanat gita maliinoh tanim aban» iyye.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Ermiyaas 9:2

Yi mari YALLAL luk sugen imaan cabe maray sinam gana kinnoonumih sabbatah, keenik xer baaxo geyaamal faxe raareh an. Mafdagay yi marak elle axxeerehiyya faxe raare» 'yaanam iyye.

Yacedkel 22:11

Marak garab cuggaaneh keenik yan marih agabu lih xiina. Marab garab isi xayloh agabut fido faxa. Garab kaadu abba ken lih le maqanxiixit fido faxa.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 13:6

Takkay immay niqmatak tan baaxo culten saaku, faxxaanam geyteeniih cayteenih; kaxxiina siinit hayteeh yoo hawwenteenih.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 7:4

Ummat inkih makô-mara tekkeeh, yaamineenim cabteh. Oson, gaqambo elle alaysaana'gidih yoskonoonocen giray barge waytahiyyah bis lon.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Yoosuwa 23:7

Tonnah kaadu a sin addat raaqeh yan mara lih magacinaay; oson migaq akak xagan isinni gabak bicsen duyyey yalla akak iyyaanahiyyah migaq ken lih maxagina. Tohimih migaaqal nadri maculina. Too duyye maqbudinaay qibaadah gommoh akah maradina.