Ermiyaas 5:3 - NABUWWA KEE MALIKWA

³ YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 5:3 ပူးပေါင်းရင်းမြစ်များ

1 Malikwa 13:33

Nabi takku waytam kaah warseh immay, Yarobqam abak suge dambi le abtok akah maadayinna. Seekâ-gurral qibaada sinam absiisa mara doorru heeh qibaada-elle-aban-aroocay fayyat raqtahiyyal hee. Tohuk kalah, too aroocal too taamat gacam faxinnaan num elle haak yen.

2 Malikwa 1:13

Malik kaadu qagseh qaskar abba kee kontom num ruube. Woo num woo koomaytu yewqe waqdi, Eliyyasak foocal gulubuh rade. Too waqdi iyyemii, «Yallih numow, yoo kee yi marah racmatay, nee maqidin.

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

2 Aydaad 28:22

Too saaku too gadaamah addat anuk, YALLA kassa mahannaay; umaane kaak dumak lafitteh.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Ermiyaas 15:7

A rasul enna 'ta magaaloolih addal, caacay bee caffa sin abeyyo. Yi maraw, edde tanin uma taamak taduureenim cinteeniih; tonna leemiik xaylo siinik qideh sin bayseyyo.

Ermiyaas 17:23

Duma sin abbobtik tamah exceh suge'mmay, too mari yab yaabbeeh iyyeenim oggola marak masuginnaay, yi yab cineenih. Anu aba keenik excem moggolinnon.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 32:19

Abtam cubbil aba Dagelta kinnito. Atu abtam nabaamak naba. Sinam abba haytam inkih yable Dagelta kinnitooh, kulli marah le taamah innal mekelta.

Ermiyaas 35:13

«Gexay Yuuda kee Yarusalaam magaalah ummatak intaamah, YALLAY Nabaamak Nabah, Israayil doore Dagelta kinnihiyya, ‹Isin yi yab akah cintaanaah, aba siinik axcem akah abe waytaanam macaay? Kas way akah gee waytaanam macaay?

Ermiyaas 44:10

A saaku fan yoh rammitten saaku manton. Yoo teyneben saaku kaadu manton. Anu siinih oobise xinto kataya mara makkinniton.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Ermiyaas 7:28

Ken lih yabta waqdi keenik intaamah, ‹Isin, YALLAY sin Dagelta kinni iyyam cine mara kinniton. YALLI, «Umaanek uduura», siinik iyyeh immay kay yab cine mara tekken. Sin garil numma baateh; nummat mayabtan› keenik inxic» yok iyye.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Yacedkel 2:4

Deedalak sah yi yab mayaabbaanaay yoo yaynabeenim cabeenih. Tonna'mmay yoo YALLAY Mulki lehiyya iyyem keenih warissa'gidih, away ken fan koo ruubah an.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Qaamus 4:10

«Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Qaamus 4:6

YALLI qagissa heeh iyyaamah, «Anu afah xagtan maaqo waysissa sin heeh, inkih tan magaaloolit siinik qulul ruube'mmay, toh ubulla hayteenih yol maaduurinniton.

Qaamus 4:8

Tohuk gexxaamah, mango magaaloolih mari kaxxa bakar ken yibbixe waqdi, lee elle geeloonum yekkelen magaala gexeeni'mmay, lee elle magennon. Toh inkih abalih yol maaduurinniton.

Qaamus 4:9

«Tooboke daroy orobe'kah tanihiyyat kaxxa caacoy kafissu waytahiyya ruube. Kudaaray yoobokehiyya kee qinab xaylo kafissa heeh; *daytuun kee *sublat inkih qanaytu ruubeeh too qanayti selli hee. Takkay immay tah inkih abalih yol maaduurinniton.

Xafanya 3:7

‹Tahaysa yi mari yok meysiteleeh, anu maabina keenik axcem maabaana› 'yaanam niyal heeh suge. Takkay immay keenil baahem abaluk, yol yaduure marak masuginnoonuuy, dumaak abak sugen uma taamat qagten.