Ermiyaas 5:28 - NABUWWA KEE MALIKWA

²⁸ Gabul akah loonuuh akah aroodaanam tohu. Ken umaane caddo cabteh. Qayxiixah, le cakki mayacaanaay xukkot yan marah qadaalatal mayackuman.

Ermiyaas 5:28 ပူးပေါင်းရင်းမြစ်များ

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Ermiyaas 2:33

Gabak bicisseenih taqbuden duyye kaxxam kicinton. Sayyok inkih qamal umaaneh lafitta inta barra kinni way uma-taamah sin meelelta.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Zakariyya 7:10

Gubun kee xaleena akak rabte qayxiixaay, marin baaxoh maray sin addal yanii kee tu sinni masaakiinah emeqa. Isinnih kaadu umam tittah mamalsina› keenik exceh en.