Ermiyaas 5:24 - NABUWWA KEE MALIKWA

²⁴ ‹Karma kee dabaybaay sugumut rob neh ruubaah, sanataak sanatal nakme daro nee waysiise waa Dageltak meysinnu wayna. YALLAY ni Dagelta kinnihiyyak meysinnu wayna› mantan.

Ermiyaas 5:24 ပူးပေါင်းရင်းမြစ်များ

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Ermiyaas 10:13

Usuk amrisa waqdi, qaraanal tan lee kaxxa xongoloh xongolta. Baaxô maggaraqak qamburre bahtam Yalla. Rada roobih addat cankaxa qaraanak rubtam Yalla. Caacay daanah elle yabbixe aracak ruuba waqdi silisa.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Ermiyaas 50:5

Siyoonuh gacan gita esserak, too gita keenih yascassoonu waan waqdi, too gita fanah afkunelon. Too waqdi yi mari, ‹Nee kee YALLI fanal, way bayu waa bica heenno› sittak axcelon.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Ayyuqel 2:23

Siyon maraw, YALLAY sin Dagelta kinnihiyya siinih abem ubulay, ruffa 'xica. Duma elle ruubak suge'nnal, dabayba kee karmaay sugumul, dudda le rob siinih ruubeh yan.

Qaamus 4:7

Daro edde taabuke alsittet rob sin waysiise. Magaalak teenah rob eceeh, magaalak teenal rob waysiise. Buqre baaxok baaxok teenah rob eceeh baaxok teenah kaliteh.

Zakariyya 10:1

YALLI siinih aceelek, dabayba rob siinih rada'gidih kaa kallaca. Rob xagarat le qamburre rubtaah, woo qamburreh addak robti tiffa rubtaah baaxo anxaxxossam YALLA.