Ermiyaas 5:22 - NABUWWA KEE MALIKWA

²² Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Ermiyaas 5:22 ပူးပေါင်းရင်းမြစ်များ

1 Malikwa 13:28

Tokkeek gexe waqdi, taaxige Yuudâ-baaxok yemeete nabih lafay gitak addal taniih lubak kee danan garil akak soolahiyyat fellaqqa 'ye. Too lubak nabik raysa maxaginnaay; dananay kaa'lih soolak sugehiyya kaadu xage'kal, tokkel elle soolak kaah sugen.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 64:2

Gira boco elle urussa'nnah, too girah bagul lee akah facta'nnah amaay qandek litom isi naqboytit uybulluyaay; baadal tan ummatta ku foocal akah axaxitta innah keenik ab.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Qaamus 4:12

Hay, siinit abeh anim kaxxa digaala. Yooy sin Dagelta kinnihiyya cokmi siinil abam faxa'mmay, bical gacay suga» keenik iyya.

Qaamus 9:6

YALLI isi dabaq qaraanal hee. Baaxok dagal hawa xiseeh, daabiseh. Baddi lee qaran eyyeqqa hayteeh, wadir baaxol tet oobissam kaa. Toh inkih abtam YALLA kinnim ixiga.

Yoonas 1:16

Toh yublen waqdi, baddi mari YALLAK kaxxam meysiteh raaqeeh; tonna leemiik YALLIH migaaqal sadgat abeenih nadri kaah culen.

Naacum 1:4

Bad kee weeqaytu YALLI «Kafa» iyya saaku kafta. Basan rasul tan qayso kee Karmel qalel yan coox YALLI «Kafa» iyya saaku kafa. Lubnaan qaleelal yan qobor YALLI isih faxa saaku kafsa.