Ermiyaas 5:17 - NABUWWA KEE MALIKWA

¹⁷ Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 5:17 ပူးပေါင်းရင်းမြစ်များ

Yasaqya 62:8

YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Yasaqya 62:9

Takkay immay siiniy a daro qiddaay orbissa heehiyya tet gaqambo akmeleeh, YALLA faylisele. Qinabak bicsen kamri taaqabu waytam, siiniy qinab caxah amo wagitak sugeeh tet xaylo gaaboysehiyya. Elle taaqaboonu waytaanam, yi qariy taahirik yanihiyyah daarata» 'yaanamal xagna siinih cule.

Yasaqya 65:22

Oson isinnih xisen qarwa sinam im keenik matakka. Isinnih yubquren darooy yuysubuken caxah xaylo sinam im keenik matakka. Sinam nagri keenik mahaa. Qumri keenik caxah innah, waareleeh keenik sugele. Anu faxeeh doore mari, edde taamitak suggu 'yem akmelon; adoobitelon; edde ruffa axcuk sugelon.

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 25:37

YALLIH naqbi baaxo keenik bayseeh finqa abe. Amaanah elle sugen baaxo abur abe.

Ermiyaas 4:26

Mangom elle aabakuk ten baaxo bacarih raqtam uble. Wokkel ten magaalooli abuuruh raqteh ten. Toh akah tekkem, YALLIH naqabih sabbatak ten. Too wacyi tublem yoo.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 5:18

YALLI iyyaamah, «Too ayroora kinni way, inni ummatta inkitanuuk mabayisa.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 50:7

Ken gennaan mari maysattaka keenit abe. Ken qidda heenih wadir, ‹Ken qidneh immay ken qidaanam dambi nel matakka. Toh akah kinnim, ken Dageltay amo keenik wagitak sugehiyyal dambi lem baaheeniih, ken abbobti imaan elle luk sugte Dageltal imaan hoonu cineenih. Tohuk gexxaamah keenit tekkeemi› 'yaanam iyyan.

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Hosiqa 2:12

Tet qinab xala coox kee tet sublâ-cooxuy is, ‹Yi mareytit yoh tecee› akak intahiyya teetik bayseyyo. Qinab coox kee bustaan elle tuysubuke arooca garbo teetik abeyyo. Too cooxuy qinab xala kee bustaan alluwwa baysele.

Hosiqa 8:14

Israayil mari malik qarwah xiso yeexegeh immay, ken gine Dagelta hawweeneenih. Yuudâ mari, meqe magaalooli dacayrih xisen. Oson malikwah xisen qarwa kee magaalooli keenik bayissa gira keenil ruubeyyo» iyye.

Ayyuqel 2:3

Ta qanayti, cafit gexxa gira kafin caxa elle selta innal, baaxol tanim sela. Foocat keenik tan baaxo Qadan bustaanih inna le. Salafat keenik raqta baaxo, caxa elle aabuke wayte bakarroyta celta. Tu matasillima.

Xafanya 3:6

YALLI iyyaamah, «Doolatwa bayseeh, magaalooli keenik bayseh aniih, xeetik xisen gasoy magaaloolit maroh sugtehiyya kaadu keenik bayseh. Megdebitte keenik foyya abeeh, magaalah addal gititte abuuruy num sinniih, lac sinnihiyya abe.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».