Ermiyaas 49:8 - NABUWWA KEE MALIKWA

⁸ Dadan magaalal yan maraw, wadir gacay kuda! Gablah addat ombooqoray suga. Qiisok rade mara baysam faxa. Ken edde digaalu waa wakti yemeeteh.

Ermiyaas 49:8 ပူးပေါင်းရင်းမြစ်များ

Yasaqya 2:21

YALLI baaxo yasgayye'gidih yamaatu waa saaku, ummatta kaa kee kay kaxxa nabnah meysih, gabla kee booriima le qaleelah bagut ambooqorelon.

Yasaqya 21:13

Yalli, Qarab marih giddinaamak ruube farmo ah teeti. Arhoh yemeete Dadan maraw, Qarab baaxok garbo elle tan aracal a bar anfiddigetton.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Ermiyaas 25:23

Dadan kee Teema kee Buud deqsitta sidooca magaalal yen maraay; amô-xagor namma seltak isik argaquk yen maraay,

Ermiyaas 46:21

Oson maalut xaamen qaskar arooduh awur innah gacteh tani'mmay, qeebil masoolaanaay, awyah hayya heeloonu'kkal, qeebi maaban. Edde digaalimoonu waan ayroy YALLI bala keenil oobisu waahiyya xayyowteh.

Ermiyaas 48:28

Mooyabal yan maraw, Mooyab magaaloolik eweqay. Booloh amot gaca. Boolok bagut qarwa xisitta kukkurru tika.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

Ermiyaas 48:6

‹Kuday! Isillima! Bakarroytah tan baaxol tooboke caxah innah yassamme mara tika› 'yaanam axcelon.

Ermiyaas 49:30

Caxor maraw, yooy YALLAH yani siinih warsaamah, Malik Nabkadnessar siinih malseh yanik, xer baaxo fan kudaay; gablah addat ombooqoray suga. Garci siinih kalah an.

Ermiyaas 49:32

Gaala keenik dannabah beya. Laa keenik dannabah orbisa› kaak exce. Keeniy amô-xagor namma seltak isik yargiqehiyya kulli baaxol fixixih ruubeyyo. Kulli kabuk bala keenil oobiseyyo.

Ermiyaas 50:27

Qaskar keenik sela. Saqi innah ken usguuda. Baabelon mari bayele. Keenit digaala edde takku wayta wakti yemeeteh» iyye.

Ermiyaas 6:1

Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

Yacedkel 25:13

Tonna-leemiik ahaysa Edom mara digaalu waah, too rasul enna 'ya mara kee saq inkih bayisu waam aysixxigeh an. Teman deqsitta magaalak xabba haanamaay Dadan deqsitta magaalah amma 'yaanam yan rasu sahda elle deedalta abur abeyyo. Tohiital yan mari inkih carbit ambaxele.

Malaaki 1:3

Qiiso kee Qiisok rade mara inqibe. Qaleela luk ten Qiisô-baaxo bayseeh, wakarwa dabaq abe» iyye.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».

Makaabon 6:2

Miidiyan mari caylah Israayil marak lafitak yen. Tonna-leemiik Israayil mari qaleeli-amol gabla kee kalah tan aroocay amô-reebu let yombooqoren.

1 Samuwel 13:6

Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.