Ermiyaas 49:5 - NABUWWA KEE MALIKWA

⁵ Yoo YALLAY Dagelta kinnih, Nabaamak Nabahiyya siinik iyyaamah: Kulli kabuk umaane siinit ruubeyyo. Too waqdi kulli num siinik kudmah hayya heeleeh; baaxo cabetton. Kulli num siinik isi roocih megloh kudele. Sarrak luk sugten qaskar gaabossa heeh titta fanah baaha num mageytan.

Ermiyaas 49:5 ပူးပေါင်းရင်းမြစ်များ

2 Malikwa 19:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

Yasaqya 16:3

Farmoh ruuben mari Yuudâ-marak iyyoonu waanamah, «Abnam neh warisa; abtaanam nek inxica. Carra dahan elle yani'kkel xamcin iraawo qidda caxah innah, nee cataay; ku silaalol silaalinnay nee inxic. Nanu dabbô-mara kinninok, num nee akak gee waa ikket nee uqur.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 16:16

Kaadu qagseh iyyeemih, «Mango kullum-tabbaxo ken tabbixe'gidih keenit ruubeyyo. Mango admo-abeynit ken tabbixe'gidih keenit ruubeyyo. Too mari qaleelah amot ken macabaay, koomah amot ken macabaay, gablah addat ken macabaay forqot ken macabaanay, ken selelon.

Ermiyaas 20:4

«YALLI, ‹Isi nabsi kee isi kataysisih nabsit cunxo qida num koo abeyyo› 'yaanam ku giddinaamak kok iyyeh yan. ‹Kaadu ku kataysis keenik naqboytiitih yan marih gabat rabeloonuuh; toh isi intih abletto. Yuudâ-mari inkih Baabelon-malikih gabat radele. Too malik carbit yibbixe marak garab seewah isi baaxo beele. Wohuk raqtem seefit selele.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 49:29

Siraqwa kee illi keenik dannabah orbisa. Siraq addal lon reebuh haan sara keenik beya. Siraq addal elle haanamak tu macabinay dannabah keenik beya. Gaala kaadu keenik buuba. Too waqdi ‹Kulli ikkel cunxo net qidan!› 'yaanam axcelon.

Ermiyaas 6:25

Barri genxu manalliila; gitittel ibah genxam kaadu manalliila. Macaay inteenik, ni naqboytit silac leeh, kulli ikkel nee meysiisaanaah marot nee yabbixen» iyyen.

Qaamus 4:3

Too ayro kulli barra siinik beeloonuuh, xayi'kket siinik aninnaan gasoh foxok sin eyyeqqa heenih, Carmon deqsita aracat sin qidelon› axcuk siinih xiibita» 'yaanam keenik iyye.

Yoosuwa 2:9

annah keenik inte. «YALLI a baaxo siinih yeceem aaxigeeh; kulli num sin meysih raba.