Ermiyaas 49:3 - NABUWWA KEE MALIKWA

³ Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Ermiyaas 49:3 ပူးပေါင်းရင်းမြစ်များ

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 16:7

Tonna-leemiik, Mooyab mari keenit yakke taqabih weeqan. Kiir-Ceras magaalah addal yokmen meqe maaqo kassitan waqdi, yakkeenimiik weeqaanah, niya keenik taddigille.

Yasaqya 23:1

Yalli, Suur magaalah giddinaamak ruube farmo ah teeti. Suur baateeh; Suurul amaatuk yen maraakib edde culak yen marso kee qarwa bayteh immay, maraakib maraw, weeqaay boogisa. Sin maraakib Kobroosuk yuduure saaku, sin qambaltam ta xaagu.

Yasaqya 23:6

Isin baddi-afal yan maraw, rookitaay boogisa. Isbaaniyah baaxo fan kuddaanam gabbata.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Ermiyaas 48:2

Mooyab mari luk yen migaq-gexxo gaba kalele. Cesbon-mari Mooyab mara edde bayisu waa malat yanin. ‹Amay a doolat bayisnay› 'yaanam tittak iyyan. Madmeen-magaala deqsitta magaalal yan marat qeebi abta qaskar ruubeloonuh, tibba ken heelon.

Ermiyaas 48:20

Tekkem too waqdi siinih warselon. ‹Mooyab ikke tekkeh! Qawrat tet yibbixeh; teetih weeqaay boogisa› siinik axcelon. Arnon weeqaytih xaqul gacca 'xicay Mooyab baatem sinaamah warisa.

Ermiyaas 48:37

Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Ermiyaas 48:7

Mooyab maraw, isinni taama kee gaddaliinot kaxxam tekkeleeni'mmay, a saaku wohim siinih xiqtam maliiy; qeebil gacetton. Kamos akak intaanamay yallah litoonuhiyya kee, kay seeka kee kay makaabon inkih seewah orbiselon.

Ermiyaas 49:1

Qammon giddinaamak YALLI iyyem ah teeti. «Milkom deqsittam yaqbude maray Qammonuh yooboke, Israayilik Gaadah yooboke marih baaxo beyya heenih, ken magaaloolil isinnih akah gacaanam macaay? Israayil mari, is nagartu wayta xaylo maay waa?

Ermiyaas 51:8

Baabelon-rasi cube'kal uma niksoh annikisseleeh, akak bayele. Sahda teetih weqtaama. Edde tan madaluk qaffottam takkehik, dayla teetih gorrisa.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Qaamus 1:15

Baaxoh abba kee doolat abbobti keenik seewah beelon› iyya» 'yaanam iyye.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.

Yoosuwa 7:2

Yoosuwa, Yerikô-magaalak tu yakke mara Qaay deqsitta magaala fan ruube. Qaay, Beetal deqsita aracak ayrô-mawqa le kabut raqta magaalaay; Beet-Awen deqsita aracak garil tan magaalak ten. Keenik iyyeemih, «Gexay Qaay magaala wagitaay baaxo elle tani'nna gibitay ama» keenik iyye. Gexeenih yuduuren waqdi,

Yoosuwa 8:1

Tohuk lakal YALLI Yoosuwak iyyemii, «Tikka 'ta qaskar gabat haay, woo Qaay fan gex. Mameysitinay niya kok baxaqe waytay, Qaay magaalah malik kee woo magaalal tan ummattak qeebih koo aysiiseyyo. Woo magaala kee baaxo sinim abeyyo.

Yoosuwa 8:28

Yoosuwa woo magaalat gira ruubeeh abur tet abe. Too arac uxih a saaku fan abuuruh yan.