Ermiyaas 49:23 - NABUWWA KEE MALIKWA

²³ Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Ermiyaas 49:23 ပူးပေါင်းရင်းမြစ်များ

2 Samuwel 17:10

Ku abba kaxxa qaskariitaay, kay mari celeema kinnim, Israayil mari inkih yaaxigeeh; tonna-leemiik, a xaagu yaabboonu waan waqdii, woo kaxxa agiiray lubak innah cunxo sinni kinni-way meysitele.

2 Samuwel 8:9

Sarrak Hamat-rasul yen malikiy Tooqi deqsitahiyya, Dawud, Hadad-Qeder qaskarak inkih yeyseh 'yaanam yoobbe waqdi,

1 Malikwa 11:24

Sarrak butta takke gaadileh abba yekke. Annah tanim tekkem, Dawud Hadad-Qeder qeebil yeyseeh kay qaxat yen Suuriyah mara selek sarrak ten. Radon kee kay mara gexxeeh, Damaskoh magaalal gacen. Tokkel, kay mari Suuriyah-malik kaa abe.

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

2 Malikwa 18:34

Camat kee Arfad suge marih yallitte ankel tan? Safarwayim kee Heenaq kee Qiwwal suge marih yallitte ankel tan? Samaariyah yalli keenih xiqem maay le?

2 Malikwa 19:13

A saaku Camat kee Arfad kee Safarwayim kee, tonnah kaadu, Heenaq kee Qiwwa malikwa ankel tanim kot celta? Ta saaku ta amoytittek num mayan» 'yaanam warkatal yuktubeh, farmoh kaah ruube.

2 Malikwa 5:12

Weeqayti tiyah tu gactek, Israayil tan weeqaytittek Damaskol yok raaqe Abaana kee Farfar weeqayti maay gaca? Woo namma weeqaytut kaqaleh urak en» iyyeeh, naqabut gexe.

2 Aydaad 16:2

Toh yuble waqdi, Aasa isi qarih adda kee YALLIH Qibaadah-Qarih addal daanat sugte lakqo kee dahooba wokkek yeyyeeqeeh, Damaskoh magaalal Suuriyah malikih yen Banihadad deqsita numuh ruube.

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 13:7

Too ayro kulli numih gaba axaxiteleeh, kulli numuk niya addigillele.

Yasaqya 36:19

Camat kee Arfadal suge marih yallitte ankel tan? Safarwayimil suge marih yallitte ankel tan? Samaariyah yalli keenih xiqem maay le?

Yasaqya 37:13

A saaku Camat kee Arfad kee Safarwayim kee, tonnah kaadu, Heenaq kee Qiwwah malikwa ankel tanim kot celta? Ta saaku ta amoytittek num mayan» 'yaanam warkatal yuktubeh, farmoh kaah ruube.

Yasaqya 57:20

Tonna'mmay umaane le mari, baddi haffoy haffok aade sinniih guddaafa kee wasak afat bahtahiyyah bis lon.

Yasaqya 7:8

«Macaay inteenik, Suuriya tet inaytah magaalay Damasko deqsittak qandeh mataysaay; Damasko kaadu malik Raaxiinik qandeh mataysa. Israayil ummattah tu gactek, lactam kee koona sanatih addat, doolat wadirik akak akke waan niksoh annikisselon.

Ermiyaas 39:5

Baabelon-qaskar lakal keenik gexxeeh, sarrak malik Xidkiya, Yerikô-magaalah garil tan booxal yibbixen. Too waqdi xabba kaa heeniih Malik-Nabkadnessar fan kaa been. Malik-Nabkadnessar, Camat deqsitta baaxok migaaqah Ribla deqsitta magaalal suge. Malik Nabkadnessar kaa baaheenim yuble waqdi, «Kaa digaala» 'yaanam amrih keenil oobise.

Yacedkel 27:18

Damaskoh mari kaadu badaaqat duyyet koh milaaguh (libaakih), Celbon rasul yooboke qinab caxah xaylok bicsen kamri kee, Saahar deqsita rasuk baahen illih xagor koh edde acayuk sugen.

Qaamus 6:2

Kalne deqsitta magaala fanah gexay wokkel tanim ubula! Wokkek bisoh taturra 'xicay Camat deqsitta kaxxa magaala kee Gaat deqsitta magaalay Filistiin mari elle yanihiyya fanah gexay tanim ubula. Woo mari siinik maay yayseeh, ken baaxo sin baaxok maay taysee? Mataysa.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Yoosuwa 14:8

Yo'lih gexe mari sinam akak meysitta xaagu gabat baahen. Yoh tu gactek, YALLAY yi Dagelta kinnihiyyah yaabal digga exceeh baguuk kibaal kaal hee.

Yoosuwa 2:11

Woh noobbe waqdi meysih afqado nel dub inte. YALLAY sin Dagelta kinnihiyya qaran kee baaxo inkih xiinisam aaxigeh.