Ermiyaas 49:22 - NABUWWA KEE MALIKWA

²² Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:22 ပူးပေါင်းရင်းမြစ်များ

Yasaqya 11:14

Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Yasaqya 13:8

Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Yasaqya 26:17

Lacawat tan barray boogissa, elle weqtaah boogissa gurral, ku foocal boogisneh nen, YALLAW.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Ermiyaas 22:23

Lubnaan rasuk baahen sariidak bicsen qarwat yan malikow, kaxxa biyaakay akah araadaqissahiyya koo abbixele. Dabbaqanta barrah innah iihisetto» 'yaanam iyye.

Ermiyaas 30:6

‹Ah macah takkeemiiy?› inxicay esseray, kinnim cubbusa. Labhayti maay yaadiqeeh? Labhayti aadiqe week, hay, celeemah tan labha, lacawah iihissa barrah innah, bagul gaba akah lem macaa? Sahdak fooci inkih gombod akah ceelam macaa?

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 49:24

Damaskoh mari boolaateeh; abeh yan meysih kudam faxa. Lacawat tan barrah innah, edde yaniinim, uma biyaaka.

Ermiyaas 50:36

Oson ginnili kee kalluwalleh lon marat qeebi aba! Too waqdi kaxxa duquurah sugeenim aaxigelon. Ken qaskarat qeebi aba! Ahak sarra kaxxa cunxo keenit radele.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 6:24

Too waqdi Yarusalaam mari iyyemii, «Woo xaagu noobbeh cisabbootiyyah namma xabanal gaba lino. Edde nanim, cunxooy; lacawat tan barrah innah, biyaakat nan.

Daaniyel 7:4

«Naharsi ali lubak ceelak yen. Takkay immay gabilleemah innah galwa luk yen. Woo ala wagitak suge waqdi, galwa kaak kalen. Sarrak woo ala xinkiyya heeniih, too waqdi sinam innah salafti namma ibah soole. Tohuk lakal sahdayti-le-kas kaat heen.

Hosiqa 8:1

YALLI kaadu qagseh iyyeemih, «Baanta nagay kaayisa. Qawi qaraanak raarisak elle yamaate'nnal, naqboytit baaxol raarisak yi marat tamaate. Yi ummat anu ken lih hee bica yol makteeh, anu aba keenik exceemit darre cabte.

Qobadya 1:9

Teman deqsitta magaalal keenik tan qaskarat warigga qideyyo. Tonna-leemiik Edomuh ubukka 'te qaskar bayelon. Tahat yabtam yoo YALLA.