Ermiyaas 49:19 - NABUWWA KEE MALIKWA

¹⁹ «Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 49:19 ပူးပေါင်းရင်းမြစ်များ

1 Aydaad 12:15

Sanatak inikhaytoh alsay Ordon weeqayti emegga 'yeh aruk amo korak yenehiyyat, too weeqaytuk tabba 'yeeniih, elle taben ikkel weeqaytuk ayrô-mawqa kee ayrô-culma le kabul suge mara inkih xiiriyeenih.

2 Aydaad 20:6

anay fayya haak dooqa abe. Dooqah iyyeemih, «YALLAW, nanu akak radne ni kaxxa abbobti doore Dageltaw, qaraanal cokmi lem kooy; inkih yan baad xiinissam koo. Qande leeh cayla le Dagelta kinnitooh; kot missowtaah koo aleltam matana.

Yasaqya 40:25

Kudduusuk yan Yalli iyyam le: «Yot missowtu duddam maay tan? Hay, yi gid takkem maay tani?»

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Ermiyaas 12:5

Too waqdi Yalli yok iyyemii, «Ermiyaasow, sinam lih qalaltu tefferek, faaris lih qalaltu mannal duudetto? Xeet sinni booxal tinnikissek, Ordon rasul tan garboh addat gexxu mannal duudetto?

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 30:21

Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Daaniyel 7:4

«Naharsi ali lubak ceelak yen. Takkay immay gabilleemah innah galwa luk yen. Woo ala wagitak suge waqdi, galwa kaak kalen. Sarrak woo ala xinkiyya heeniih, too waqdi sinam innah salafti namma ibah soole. Tohuk lakal sahdayti-le-kas kaat heen.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Zakariyya 11:3

Baaxoh abbobti rookah abta booge ankacisay! Itta luk sugen nabna a saaku weenimih boogisiyyat yanin. Ordon weeqaytih dariifal ten garbo booxah raqteemih, a saaku lubooka abta weeqa ankacisay! Lubooka woo garbot dabaaqah sugte.